НАВАЖЫЛАЎ ЛЕЎ ВІТАЛЬЕВІЧ нарадзіўся 18 чэрвеня 1937 года ў п. Цейкава Іванаўскай вобласці.

Пасля заканчэння Іванаўскага хіміка-тэхналагічнага інстытута працаваў на Саратаўскім хімкамбінаце (майстар, начальнік цэха). З 1967 г. – начальнік вытворчасці «Нітрон» ВА «Палімір»; на працягу шэрагу гадоў займаў розныя кіруючыя пасады, узначальваў гэтае прадпрыемства.

Унёс вялікі ўклад ва ўмацаванне эканомікі і развіццё сацыяльна-культурнай сферы горада. Пад яго кіраўніцтвам і пры непасрэдным садзейнічанні пабудаваны Палац культуры і спорту «Хімік» і іншыя значныя аб'екты горада: 6 дзіцячых садкоў, 3 агульнаадукацыйныя школы, музычная школа, Дом піянераў, гарадская паліклініка, гарадская бальніца, Дом быту і Дом гандлю, Палац спорту і культуры, гарадская лазня, друкарня.

Старшыня Федэрацыі вадналыжнага спорту Віцебскай вобласці. Дзякуючы яго падтрымцы Наваполацкая школа водналыжнікаў стала вядомая ўсяму свету. Неаднаразова абіраўся дэпутатам гарадскога і абласнога Савета дэпутатаў. З 2000 па 2004 гг. быў дэпутатам ад горада Наваполацка ў Палаце прадстаўнікоў Нацыянальнага сходу Рэспублікі Беларусь, член Пастаяннай камісіі Палаты прадстаўнікоў Нацыянальнага сходу Рэспублікі Беларусь па жыллёвай палітыцы, будаўніцтву, гандлі і прыватызацыі.

У 1985 г. Льву Вітальевічу прысвоена званне Герой Сацыялістычнай Працы «Ганаровы хімік». Узнагароджаны ордэнамі Леніна, Кастрычніцкай Рэвалюцыі, Працоўнага Чырвонага Сцяга і медалямі, а таксама Ганаровымі граматамі Вярхоўнага Савета БССР і Нацыянальнага сходу Рэспублікі Беларусь. У 1998 г. прысвоена званне «Ганаровы грамадзянін горада Наваполацка».

Памёр Леў Вітальевіч 1 кастрычніка 2005 года.

Імя Л. В. Наважылава ўвекавечана на мемарыяльнай дошцы на доме, дзе ён жыў і ў назве алеі ў цэнтры Наваполацка.

ЛІТАРАТУРА

1. Козловский, П. Светлая память о человеке слова и дела Льве Новожилове / П. Козловский // Вестник Нафтана (Новополоцк). – 2017. – 24 июня. – С. 1–2.

2. Конышева, Н. Молодёжь – человеку-легенде / Н. Конышева // Новая газета. – 2013. – 21 июня. – С. 2.

3. Конышева, Н. Человеку-легенде / Н. Конышева // Новая газета (Наваполацк). – 2012. – 6 июля. – С. 2.

4. Новожилов Лев Витальевич // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 20.

5. Новожилов Лев Витальевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 284.

6. Усовская, О. Памяти легендарного директора / О. Усовская // Вестник Нафтана (Новополоцк). – 2013. – 2 февр. – С. 1.

7. Факеев, В. Герои на все времена / В. Факеев // Новополоцк сегодня. – 2017. – 3 нояб. – С. 13.

8. Факеев, В. Добрая сила / В. Факеев // Новополоцк сегодня. – 2017. – 16 июня. – С. 3.