Паўлоўскі Іван Рыгоравіч нарадзіўся 5 ліпеня 1922 года ў вёсцы Латыгаль Сенненскага раёна.

Пасля заканчэння Аршанскага тэхнікума чыгуначнага транспарту (1941) працаваў на Свярдлоўскай чыгунцы, дзе прайшоў шлях ад дзяжурнага па станцыі да начальніка буйнога чыгуначнага вузла. У 1947–1972 гг. працаваў на Паўднёва-Усходняй, Паўднёва-Уральскай, Прыволжскай чыгунках начальнікам станцыі, першым намеснікам начальніка, начальнікам чыгункі.

Кандыдат эканамічных навук (1969).

Герой Сацыялістычнай Працы (1971).

У 1972–1977 гг. – намеснік міністра – начальнік Галоўнага ўпраўлення руху, у 1977–1982 гг. – міністр шляхоў зносін СССР.

У 1982–1984 гг. – першы намеснік Пастаяннага прадстаўніцтва СССР у Савеце Эканамічнай Узаемадапамогі. У пачатку 1990-х гадоў быў прызначаны членам Экспертнага Савета пры Прэзідэнце Расійскай Федэрацыі.

Іван Рыгоравіч – аўтар кніг, прысвечаных развіццю чыгуначнага транспарту «Рэгіянальныя праблемы планавання адзінай транспартнай сеткі» (1970), «Праблемы і перспектывы развіцця транспарту» (1980), «Моя дарога» (2002).

Узнагароджаны ордэнамі Леніна, Кастрычніцкай рэвалюцыі, двума ордэнамі Працоўнага Чырвонага Сцяга, медалямі.

Памёр 22 ліпеня 2007 года. Пахаваны на Траякураўскіх могілках у Маскве.

ЛІТАРАТУРА

1. Павловский Иван Григорьевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 275.

2. Павловский Иван Григорьевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 287.

3. Павловский Иван Григорьевич // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 170.

4. Паўлоўскі Іван Рыгоравіч // Яны нарадзіліся на Сенненшчыне : біяграфічны даведнік / склад. А. В. Бараноўскі. – Віцебск : ВДУ імя Машэрава, 2016. – С. 103–104.

5. Паўлоўскі Іван Рыгоравіч // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С. 524.