Пугаўка Леанід Канстанцінавіч нарадзіўся 4 сакавіка 1917 года ў в. Паўлова Глыбоцкага раёна. Удзельнік Вялікай Айчыннай вайны. У 1945 г. пасля звальнення з ваеннай службы вярнуўся ў родныя мясціны. Працаваў загадчыкам хатай-чытальняй у в. Лучайка Глыбоцкага раёна. У 1947 г. выбраны старшынёй Лучайскага, а ў 1950 г. – Узрэцкага сельскіх Саветаў. 3 1951 г. працаваў старшынёй калгаса «17 Верасня» Глыбоцкага раёна. Леанід Канстанцінавіч так арганізаваў работу калгаса, што ў 1956 г. хлебаробы атрымалі з кожнага гектара па 21,5 цэнтнераў збожжавых. Гэта была самая высокая ўраджайнасць у Беларусі ў той час.

Званне Героя Сацыялістычнай Працы, а таксама званне «Заслужаны работнік сельскай гаспадаркі БССР» прысвоена ў 1958 г. за поспехі ў развіцці сельскай гаспадаркі, за ўкараненне ў вытворчасць дасягненняў навукі і перадавога вопыту.

Дэпутат Вярхоўнага Савета СССР у 1958–1962 гг.

У 1981 г. выйшаў на пенсію.

Памёр у 1990 г.

Узнагароджаны залатым медалём «Серп і Молат», двума ордэнамі Леніна, двума ордэнамі Чырвонай Зоркі, ордэнам Кастрычніцкай Рэвалюцыі, ордэнам Айчыннай вайны I ступені, ордэнам Славы II і III ступені, пяццю медалям ВДНГ СССР.

ЛІТАРАТУРА

1. Дайшоў да Берліна, а пасля вайны змагаўся за рэкордныя ўраджаі // Веснік Глыбоччыны. – 2012. – 21 сак. – С. 5.

2. Жыгуноў, А. Ён за славай не гнаўся ніколі / А. Жыгуноў // Веснік Глыбоччыны. – 2017. – 11 сак. – С. 3.

3. Пугаўка Леанід Канстанцінавіч // Памяць: гісторыка-дакументальная хроніка Глыбоцкага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1995. – С. 406.

4. Пуговка Леонид Константинович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 186.

5. Рослевич, З. Помнит Глубоччина своих Героев / З. Рослевич // Веснiк Глыбоччыны. – 2007. – 14 сак. – С. 2.

6. Студеный, Л. Есть такой человек / Л. Студеный // Знаменосцы трудовой славы / сост.: Г. С. Гужва, В. Г. Скопа, Е. Я. Рыклин. – Минск : Беларусь, 1984. – С. 264–267.