Самуйлаў Іван Савельевіч нарадзіўся 5 мая 1924 года ў в. Засігава Лёзненскага раёна.

Працоўную дзейнасць пачаў у 1938 годзе ў сельскай гаспадарцы. Удзельнік Вялікай Айчыннай вайны. Ваяваў на Ленінградскім фронце.

З 1948 года працаваў паляводам, з 1951 года – брыгадзірам паляводчай комплекснай брыгады калгаса «Новае жыццё» Лёзненскага раёна.

За поспехі ў павелічэнні вытворчасці і продажу дзяржаве прадуктаў земляробства Указам Прэзідыума Вярхоўнага Савета СССР Самуйлаву І. С. у 1973 годзе было прысвоена званне «Герой Сацыялістычнай Працы».

Дэпутат Вярхоўнага Савета БССР у 1975–1980 гг.

З 1989 года Іван Савельевіч пайшоў на пенсію, але працягваў працаваць загадчыкам зернесклада, прымаў актыўны ўдзел у грамадскім жыцці раёна.

Памёр Іван Савельевіч 12 студзеня 2006 года.

Узнагароджаны ордэнамі Леніна, Айчыннай вайны II ступені, Чырвонай Зоркі, медалямі ВДНГ СССР і інш.

ЛІТАРАТУРА

1. Петров, В. Бригадир / В. Петров // Знаменосцы трудовой славы / сост.: Г. С. Гужва [и др.] ; рец. Б. В. Стрельцов. – Минск : Беларусь, 1984. – С. 281–283.

2. Пятроў, В. Брыгадзірава зорка / В. Пятроў // Сцяг перамогі (Лёзна). – 1974. – 24 студз. – С. 2.

3. Пятроў, В. Гаспадар хлебнай нівы / В. Пятроў // Сцяг Перамогі (Лёзна). – 1975. – 10 чэрв. – С. 2.

4. Самуйлаў Іван Савельевіч // Памяць: гісторыка-дакументальная хроніка Лёзненскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1992. – С. 569.

5. Самуйлов Иван Савельевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2011. – Т. 2 : Витебская область : в 2 кн. – Кн. 2. – С. 430.

6. Самуйлов Иван Савельевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 300.

7. Самуйлов Иван Савельевич // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 194.

8. Сяргееў, С. Іванаў хлеб / С. Сяргееў // Віцебскі рабочы. – 1974. – 1 студз. – С. 2.

9. Харкевіч, А. Зямное прыцягненне / А. Харкевіч // Звязда. – 1975. – 17 студз. – С. 4.