Слабада Аляксандр Іванавіч нарадзіўся 27 жніўня 1920 года ў в. Дубровы Верхнядзвінскага раёна.

Працоўную дзейнасць пачаў у 1937 годзе трактарыстам. У верасні 1940 года быў прызваны ў Чырвоную Армію. Службу праходзіў у Прыволжскай ваеннай акрузе чырвонаармейцам 27-га асобнага разведбатальёна 53-й стралковай дывізіі. У 1941–1944 гг. у складзе вайсковай часці ў якасці памочніка камандзіра ўзвода удзельнічаў у баях на Заходнім і Калінінскім франтах. Быў паранены.

У 1944–1946 гг. – сакратар Гомельскага абкама камсамола, у 1946–1948 гг. – слухач Вышэйшай партыйнай школы, у 1948–1952 гг. – сакратар Бабруйскага абкама камсамола.

З 1952 года – 2-гі сакратар Слуцкага РК КПБ, старшыня райвыканкама. З 1961 г. – сакратар Любанскага РК КПБ, з 1970 г. – намеснік старшыні Камітэта народнага кантролю БССР.

Званне Героя Сацыялістычнай Працы прысвоена ў 1966 годзе за высокія паказчыкі ў вытворчасці сельскагаспадарчай прадукцыі. Дэпутат Вярхоўнага Савета БССР у 1963–1967 гг., дэпутат Вярхоўнага Савета Рэспублікі Беларусь 12-склікання.

Узнагароджаны ордэнамі Леніна, Чырвонага Сцяга (двойчы), Айчыннай вайны 1 ступені, Працоўнага Чырвонага Сцяга, «Знак Пашаны», 25 медалямі.

Памер Слабада Аляксандр Іванавіч 14 лістапада 2022 года.

ЛІТАРАТУРА

1. Екель, Л. Глубокие корни / Л. Екель // Советская Белоруссия. – 2005. – 3 нояб. – С. 11.

2. Слабада Аляксандр Іванавіч // Памяць: Верхнядзвінскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: У. С. Богаў [і інш.] ; уклад. А. Ф. Бубала ; мастак Э. Э. Жакевіч. – Мінск : Паліграфафармленне, 2000. – Кн. 2. – С. 233–234.

3. Слобода Александр Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўка, 2011. – Т. 2 : Витебская область : в 2 кн. – Кн. 2. – С. 472.

4. Слобода Александр Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 304.

5. Слобода Александр Иванович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 204.