Віташкевіч Аляксандр Мікітавіч нарадзіўся 23 лютага 1928 года ў в. Раганавічы Чашніцкага раёна.

З 1952 года працаваў на Мінскім станкабудаўнічым заводзе імя Кірава. У 1957–1986 гг. – токар-расточнік Мінскага завода аўтаматычных ліній.

Наватар станкабудавання ў Беларусі, выдатнік станкабудавання СССР. Удзельнік Усесаюзнай нарады ўдарнікаў камуністычнай працы ў 1961 годзе. Член Савецкага камітэта абароны міру з 1974 года.

Званне Героя Сацыялістычнай Працы Аляксандру Мікітавічу прысвоена ў 1960 годзе за вытворчыя поспехі і праяўленую ініцыятыву ў арганізацыі спаборніцтва за званне брыгад і ўдарнікаў камуністычнай працы.

Член ЦК КПБ у 1961–1966 гг. і 1971–1976 гг. Дэпутат Вярхоўнага Савета БССР у 1962–1966 гг.

Узнагароджаны залатым медалём «Серп і Молат», двума ордэнамі Леніна, двума ордэнамі Працоўнага Чырвонага Сцяга, медалямі.

Памёр Аляксандр Мікітавіч 26 ліпеня 2009 года.

ЛІТАРАТУРА

1. Виташкевич Александр Никитович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 216.

2. Виташкевич Александр Никитович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 63.

3. Віташкевіч Аляксандр Мікітавіч // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 435.