Янкоўскі Аляксандр Аляксеевіч нарадзіўся 27 мая 1911 года ў г. Оршы.

З 1927 года працаваў у Аршанскім дэпо слесарам, памочнікам машыніста, машыністам намесніка начальніка дэпо па паліўна-складской гаспадарцы.

У 1941–1945 гг. – машыніст, намеснік начальніка паравознай калоны асаблівага рэзерву Народнага камісарыята шляхоў паведамлення № 3.

За асаблівыя заслугі ў забеспячэнні перавозак для фронта і народнай гаспадаркі і выдатныя дасягненні ў аднаўленні чыгуначнай гаспадаркі ў цяжкіх умовах ваеннага часу Аляксандру Янкоўскаму ў 1943 годзе прысвоена званне Героя Сацыялістычнай Працы.

У 1945–1953 гг. зноў працаваў у паравозным дэпо Орша. Пазней працаваў начальнікам службы лакаматыўнай гаспадаркі ў Краснаярску.

З 22 мая 1968 года – персанальны пенсіянер саюзнага значэння.

Узнагароджаны ордэнамі Леніна (двойчы), Кастрычніцкай рэвалюцыі, Працоўнага Чырвонага Сцяга, Айчыннай вайны 1-й ступені, двума знакамі «Ганаровы чыгуначнік».

Памёр Аляксандр Янкоўскі 16 мая 1999 года ў Краснаярску.

ЛІТАРАТУРА

1. Янковский Александр Алексеевич // Герои Социалистического Труда военных лет, 1941–1945 / отв. за вып.: М. Заячковский, А. Польщикова. – М. : Профиздат, 2001. – С. 270.

2. Янковский Александр Алексеевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 324.

3. Янковский Александр Алексеевич // Твои герои, Беларусь! Герои Социалистического Труда : биогр. справ. / [сост. И. Н. Кулан, В. И. Козак, Е. Е. Соколов ; под общ. ред. А. Н. Новикова]. – Минск : Беларуская Энцыклапедыя імя П. Броўкі, 2014. – С. 250.