Жураў Віталь Мікалаевіч нарадзіўся 8 мая 1920 года ў в. Іванаўка Гарадоцкага раёна.

У 1936–1937 гг. вучыўся ў школе фабрычна-заводскага вучнёўства. У 1937–1940 гг. – слесар Віцебскага паравознага дэпо.

З лістапада 1940 года – у Чырвонай Арміі. Удзельнік Вялікай Айчыннай вайны. У кастрычніку 1943 года – камандзір аддзялення 2-й роты 90-га аднаўленчага чыгуначнага батальёна 14-й чыгуначнай брыгады Варонежскага фронту, малодшы сяржант. Баявы шлях скончыў у баях за вызваленне Чэхаславакіі.

У 1948–1949 гг. В. М. Жураў працаваў качагарам паравоза ў лакаматыўным дэпо «Віцебск». У 1949–1956 гг. зноў служыў у чыгуначных войсках, займаў пасады камандзіра ўзвода, намесніка камандзіра роты і сакратара парткама часці.

У 1956–1964 гг. – брыгадзір, дарожны майстар Віцебскай дыстанцыі пуці. У 1964–1970 гг. – начальнік механізаванага ўчастка Віцебск – Езярышча Беларускай чыгункі.

Указам Прэзідыума Вярхоўнага Савета СССР ад 4 жніўня 1966 года за выдатныя поспехі, дасягнутыя ў выкананні заданняў сямігадовага плана перавозак, развіцці і тэхнічнай рэканструкцыі чыгуначнага транспарту, В. М. Жураву было прысвоена званне «Герой Сацыялістычнай Працы».

У 1970–1973 гг. – старшыня прафкама Віцебскай дыстанцыі пуці, у 1973–1980 гг. – начальнік участка дыстанцыі пуці, у 1980–1982 гг. – майстар па рамонту і рэканструкцыі чыгуначных пуцей.

Узнагароджаны ордэнамі Леніна, Айчыннай вайны II ступені, Чырвонай Зоркі, медалямі.

Памёр Віталь Мікалаевіч 1 ліпеня 2010 года.

ЛІТАРАТУРА

1. Беленькі, З. Надзейныя рэйкі / З. Беленькі // Віцебскі рабочы. – 1981. – 16 снеж. – С. 2.

2. Беленький, З. Поездам – зеленую улицу / З. Беленький // Знаменосцы трудовой славы / сост.: Г. С. Гужва [и др] ; рец. Б. В. Стрельцов. – Минск : Беларусь, 1984. – С. 99–101.

3. Жураў Віталь Мікалаевіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. –С. 692.

4. Журов Виталий Николаевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2010. – Т. 2 : Витебская область : в 2 кн. – Кн. 1. – С. 433.

5. Журов Виталий Николаевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 235.

6. Журов Виталий Николаевич // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 98.

7. Иванова, О. Дорога с прочной колеей / О. Иванова // Железнодорожник Белоруссии. – 2005. – 23 июня. – С. 7.

8. Ишечкин, В. А. Начальник участка / В. А. Ишечкин // Путь и путевое хозяйство. – 1967. – № 5. – С. 17–18.

9. Сташкевич, Л. Быть всегда впереди / Л. Сташкевич // Железнодорожник Белоруссии. – 2010. – 8 мая. – С. 13.

СПАСЫЛКІ

 Журов Виталий Николаевич