Звераў Аляксей Васільевіч нарадзіўся 18 сакавіка 1911 года ў в. Ольша Краснінскага раёна Смаленскай вобласці ў сям’і селяніна.

Працоўную дзейнасць пачаў у 1928 годзе электраманцёрам на станцыі Орша, затым 1930–1941 гг. на Беларускай ДРЭС.

У гады Вялікай Айчыннай вайны апынуўся на часова акупаванай тэрыторыі. Удзельнічаў у партызанскім руху на тэрыторыі Смаленшчыны і Беларусі. У пачатку ліпеня 1941 года працаваў электраманцёрам у брыгадзе па лініі электраперадач сеткавага аддзела «Беларусэнэрга».

Пасля вызвалення тэрыторыі Беларусі ад нямецка-фашысцкіх захопнікаў А. В. Звераў быў накіраваны ў Аршанскія электрычныя сеткі. Яму было даручана кіраваць працамі па мантажу падстанцый у Оршы.

У 1944–1972 гг. – брыгадзір, майстар службы лініі электраперадач, у 1979–1984 гг. – электраманцёр Аршанскага прадпрыемства электрасетак.

За поспехі ў выкананні планаў 7-й пяцігодкі і развіцці энергетыкі Указам Прэзідыума Вярхоўнага Савета СССР Звераву Аляксею Васільевічу ў 1966 годзе прысвоена званне Героя Сацыялістычнай працы.

Узнагароджаны ордэнам Леніна, Працоўнага Чырвонага Сцяга, Чырвонага Сцяга, ордэнам Айчыннай вайны 2-й ступені, медалямі.

Памер 13 жніўня 2002 года.

ЛІТАРАТУРА

1. Ардин, Е. Золотые светятся огни / Е. Ардин // Знаменосцы трудовой славы / сост.: Г. С. Гужва [и др.] ; рец. Б. В. Стрельцов. – Минск : Беларусь, 1984. – С. 106–110.

2. Звераў Аляксей Васілевіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад.: Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 396.

3. Зверев Алексей Васильевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 237.

4. Зверев Алексей Васильевич // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов ; под общ. ред. А. Н. Новикова. – Минск : БелЭн імя П. Броўкі, 2014. – С. 99.

5. Казарновская, А. Ратный подвиг энергетиков Придвинья / А. Казарновская // Віцьбічы = Витьбичи. – 2015. – 5 мая. – С. 4 ; 21 мая – С. 4.

6. Лебедева, О. В честь земляка / О. Лебедева // Витебские вести. – 2014. – 22 мая. – С. 2.