Абраменка Дзмітрый Кузьміч нарадзіўся 22 ліпеня 1910 года ў в. Філіпкава Віцебскага раёна ў сялянскай сям'і. Закончыў 4 класы. Працаваў брыгадзірам у калгасе.

З ліпеня 1941 г. ваяваў на Заходнім, Ленінградскім, Волхаўскім, Паўднёвым, 4-м Украінскім, 1-м Прыбалтыйскім, 3-м Беларускім франтах. Камандзір гарматы гв. ст. сяржант вызначыўся пры вызваленні Севастопаля, дзе яго гарматны разлік знішчыў 2 дэсантныя катэры, і пры вызваленні г. Шаўляй у Літве. У баі ў г. Прэйсіш-Эйлаў (Усходняя Прусія) агнём гарматы з адкрытай пазіцыі знішчыў станковыя кулямёты і падавіў дзве кулямётныя кропкі праціўніка. Тры разы быў паранены.

Пасля вайны жыў і працаваў на Віцебшчыне.

Памёр 28 студзеня 1981 года.

Узнагароджаны трыма ордэнамі Славы, ордэнамі Кастрычніцкай Рэвалюцыі, Айчыннай вайны, медалём «За адвагу» і іншымі медалямі.

ЛІТАРАТУРА

1. Абраменка Дзмітрый Кузьміч // Памяць: Віцебскі раён : гісторыка-дакументальныя хронікі гарадоў і раёнаў Беларусі / рэдкал.: А. П. Красоўскі [і інш.] ; уклад. У. І. Мезенцаў ; мастак Э. Э. Жакевіч. – Мінск : Мастацкая літаратура, 2004. – С. 349-350.

2. Абраменко Дмитрий Кузьмич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 15.

3. Мезенцев, В. Подвиг бесстрашия / В. Мезенцев // Жыццё Прыдзвіння (Віцебск). – 2009. – 2 ліп. – С. 3.