Альхоўскі Мікалай Іванавіч нарадзіўся 10 кастрычніка 1939 года ў в. Межава Аршанскага раёна.

У 1926 годзе скончыў 7 класаў школы ў Оршы, у 1927 годзе – 1 курс Аршанскага педагагічнага тэхнікума. У Чырвонай Арміі з 1927 года. У 1928 годзе скончыў Ленінградскую ваенна-тэарэтычную школу ВПС, у 1930 годзе – Арэнбургскую ваенную авіяцыйную школу лётчыкаў. Да 1933 года служыў лётчыкам у страявых частках ВПС (Украінская ваенная акруга).

У 1936 годзе скончыў Ваенна-паветраную акадэмію імя Жукоўскага. Служыў камандзірам атрада і камандзірам авіяэскадрыллі ў ВПС (Кіеўская ваенная акруга). У 1939–1941 гг.– лётчык-інспектар па тэхніцы пілатавання ВПС на Далёкім Усходзе.

У Вялікую Айчынную вайну з лютага 1943 года на Бранскім, Варонежскім, Сцяпным, 2-м Украінскім франтах. Удзельнік баёў на Курскай дузе, вызвалення Украіны, Малдавіі, Румыніі, Венгрыі, Чэхаславакіі. Камандзір эскадрыллі знішчальнікаў авіяпалка, маёр. Зрабіў 128 баявых вылетаў, удзельнічаў у 34 паветраных баях, знішчыў 19 самалётаў праціўніка.

За мужнасць і гераізм, праяўленыя ў баях, указам Прэзідыума Вярхоўнага Савета СССР ад 4 лютага 1944 года маёру Альхоўскаму Мікалаю Іванавічу прысвоена званне Героя Савецкага Саюза з уручэннем ордэна Леніна і медаля «Залатая Зорка».

Пасля вайны да 1948 года – камандзір авіяпалка (паўднёвая група войскаў, Балгарыя). У 1948–1950 гг. – ад'юнкт кафедры тактыкі знішчальнай авіяцыі і СПА Ваенна-паветранай акадэміі (Моніна). У 1950–1951 гг. – старшы лётчык-інспектар па тэхніцы пілатавання знішчальнага авіякорпуса, у 1951–1952 гг. – начальнік аператыўнага аддзялення знішчальнай авіядывізіі (група савецкіх войскаў у Германіі). З 1952 года – начальнік штаба знішчальнага авіяпалка (Далёкі Усход).

З верасня 1953 года падпалкоўнік Мікалай Іванавіч Альхоўскі – у запасе. Пасля звальнення з войска працаваў кранаўшчыком на будоўлі. Жыў і працаваў у Маскве.

Памёр 26 жніўня 1978 года, пахаваны на Хімкінскіх могілках у Маскве.

ЛІТАРАТУРА

1. Альхоўскі Мікалай Іванавіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 1999. – Кн. 1. – С. 370.

2. Кулакоў, Ф. Гарачая вышыня / Ф. Кулакоў, Б. Шалуха // Віцебскі рабочы. – 1983. – 13 ліп. – С. 2.

3. Ольховский Николай Иванович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 566.

4. Ольховский Николай Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭнімя П. Броўкі, 2010. – Т. 2 : Витебская область : в 2 кн. – Кн. 2. – С. 223.

5. Ольховский Николай Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 100.

6. Ольховский Николай Иванович // Твои сыновья, Беларусь! Герои Советского Союза : биографический справочник / ред. Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 105.

7. Ольховский Николай Иванович // Неман. – 1967. – № 9. – С. 19.

8. Пашковіч, В. Мікалай Іванавіч Альхоўскі / В. Пашковіч // Аршанская газета. – 2001. – 22 лют. – С. 2.