Аверчанка Мікалай Іванавіч
Аверчанка Мікалай Іванавіч нарадзіўся 18 снежня 1922 года ў в. Маісеенкі Гарадоцкага раёна ў сялянскай сям'і.
Скончыў сямігодку і працаваў у калгасе. У чэрвені 1941 года быў прызваны ў Чырвоную Армію. З чэрвеня 1942 года – на фронце.
3 чэрвеня 1944 года сяржант М. І. Аверчанка – камандзір гарматы 823-га артылерыйскага палка 301-й стралковай дывізіі 1-га Беларускага фронту. У баі 14 красавіка 1945 года на заходнім беразе р. Одэр у раёне населенага пункта Гольцаў (Германія) гармата сяржанта Аверчанкі знішчыла 4 кулямёты, 1 дзот і шмат гітлераўцаў.
24 красавіка 1945 года артылерыйскі разлік сяржанта Аверчанкі ўдзельнічаў у фарсіраванні р. Шпрэе і знішчыў 3 кулямёты ворага, тым самым дапамог пяхоце прасунуцца ўперад і замацавацца на дасягнутым рубяжы.
27 красавіка 1945 года ў баях на вуліцах Берліна камандзір М. І. Аверчанка сустрэўся з варожымі салдатамі. Адрэзаны ад сваіх, ён вырашыў прыняць бой. Старшы сяржант загадаў аднаму з байцоў гарматнага разліку весці агонь з аўтамата па доме, дзе заселі гітлераўцы. 3 астатнім разлікам ён перамясціў гармату праз перакрыжаванне, развярнуў яе ў пачатку вуліцы. Шлях адступлення гітлераўцам быў адрэзаны.
Камандзір гарматы загадаў наводчыку весці абстрэл, сам жа з астатнімі байцамі разліку ўварваўся ў дом, дзе схаваліся немцы У рукапашнай сутычцы яны знішчылі 10 і ўзялі ў палон 20 нямецкіх салдат, сярод якіх былі 2 афіцэры. Такія рашучыя дзеянні артылерыстаў пазбавілі пехацінцаў ад нечаканага ўдару з тылу і забяспечылі іх паспяховы рух наперад. У апошнія хвіліны бою Мікалай Іванавіч быў цяжка паранены.
Указам Прэзідыума Вярхоўнага Савета СССР ад 15 мая 1946 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм старшаму сяржанту Аверчанку Мікалаю Іванавічу было прысвоена званне «Герой Савецкага Саюза».
Пасля вайны Мікалай Іванавіч працягваў службу ў арміі. У 1954 годзе ён быў дэмабілізаваны. Жыў і працаваў у г. Кунда (Эстонія).
Узнагароджаны ордэнамі Леніна, Чырвонага Сцяга, Айчыннай вайны II ступені, медалямі.
Памёр Мікалай Іванавіч 4 ліпеня 1960 года.
ЛІТАРАТУРА
1. Аверчанка Мікалай Іванавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1996. – Т. 1 : А–Аршын. – С. 62.
2. Аверченко Николай Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭН, 2010. – Т. 2 : Витебская область : в 2 кн. – Кн. 1. – С. 7.
3. Аверченко Николай Иванович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 15.
4. Аверченко Николай Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 9.
5. Аверченко Николай Иванович // Твои сыновья, Беларусь! Кавалеры ордена Славы : биографический справочник / Б. Д. Долготович. – Минск : БеЭн імя П. Броўкі, 2014. – С. 15.
6. Зайцаў, У. Штурмавалі Берлін / У. Зайцаў // Звязда. – 1984. – 25 студз. – С. 4.
7. Румін, В. Подзвіг артылерыста / В. Румін // Віцебскі рабочы. – 1979. – 7 жн. – С. 4.
8. Салаўёў, М. Раўненне на старшыну / М. Салаўёў // Прамень камунізму (Гарадок). – 1984. – 26 мая. – С. 3.
9. Салаўёў, М. У баях за Берлін / М. Салаўёў // Прамень камунізму (Гарадок). – 1978. – 23 лют. – С. 3.
СПАСЫЛКІ
