Барэйка Аркадзь Аляксандравіч нарадзіўся 26 студзеня 1898 года ў в. Дуброўка Полацкага раёна.

У 1918 годзе з'яўляўся старшынёй камітэта сялянскай беднаты. Удзельнік грамадзянскай вайны, пахода ў Заходнюю Беларусь, савецка-фінляндскай вайны 1939–1940 гг. У 1922 годзе скончыў курсы «Выстрал», у 1949 годзе – Вышэйшыя акадэмічныя курсы пры Ваеннай акадэміі Генштаба. 3 1936 года – камандзір стралковага палка. 3 пачатку Вялікай Айчыннай вайны на фронце. Камандзір 9-га гвардзейскага стралковага корпуса, генерал-маёр А. А. Барэйка вызначыўся ў бітве за Днепр. 27–28 верасня 1943 года ўмела арганізаваў дзеянні корпуса пры фарсіраванні ракі ў раёне пасёлка гарадскога тыпу Любеч, вёсак Мысы, Неданчычы Чэпкінскага раёна Чарнігаўскай вобласці, захопе і ўтрыманні плацдарма на правым беразе. Нягледзячы на неаднаразовыя атакі перавышаючых сіл праціўніка, утрымліваў захоплены рубеж, асабіста праявіў мужнасць і стойкасць.

Званне Героя Савецкага Саюза прысвоена 15 студзеня 1944 года. Быў ваенным камендантам Вены (Аўстрыя).

Узнагароджаны 3 ордэнамі Леніна, 2 ордэнамі Чырвонага Сцяга, ордэнам Суворава 2-й ступені, медалямі.

Жыў у Маскве. Памёр Аркадзь Аляксандравіч у 1955 годзе. Яго памяць ушаноўвае мемарыяльная дошка, якая ўстаноўлена на будынку Ветрынскай сярэдняй школы, назва вуліцы ў г. Калінкавічы.

ЛІТАРАТУРА

1. Барэйка Аркадзь Аляксандравіч // Памяць: Полацкі раён : гісторыка-дакументальныя хронікі гарадоў і раёнаў Беларусі / рэдкал.: І. Б. Каросцік, Р. І. Маслоўскі, А. Л. Петрашкевіч ; уклад. С. С. Чарняўская ; маст. Э. Э. Жакевіч. – Мінск : Вышэйшая школа, 1999. – С. 199–200.

2. Борейко Аркадий Александрович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 83.

3. Борейко Аркадий Александрович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 22.

4. Борейко Аркадий Александрович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 25–26.

5. Карасёў, В. Днепр кіпеў ад выбухаў / В. Карасёў // Полацкі веснік. – 2009. – 25 жн. – С. 4.