Буткевіч Леанід Уладзіміравіч нарадзіўся 31 снежня 1918 года ў в. Хотліна Чашніцкага раёна. У 1935 годзе скончыў Аршанскі тэхнікум чыгуначнага транспарту, працаваў кіраўніком чыгуначнай станцыі Калодня пад Смаленскам.

У Чырвонай Арміі з 1937 года. Удзельнік вызваленння Заходняй Украіны ў 1939 годзе.

З 1941 года ваяваў на Паўднёва-Заходнім, потым на Паўднёвым, Закаўказскім, Паўднёва-Каўказскім франтах.

За гады вайны Леанід Буткевіч знішчыў 327 гітлераўцаў, падавіў з супрацьтанкавага ружжа 22 кулямётныя кропкі, падрыхтаваў 15 снайпераў.

Указам Прэзідыума Вярхоўнага Савета СССР ад 25 кастрычніка 1943 года за «ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым мужнасць і гераізм» лейтэнант Буткевіч быў удастоены высокага звання Героя Савецкага Саюза з уручэннем ордэна Леніна і медаля «Залатая Зорка». Яму двойчы ўручалася імянная снайперская вінтоўка. Узнагароджаны таксама ордэнамі Чырвонага Сцяга, Айчыннай вайны I ступені, медалямі.

Пасля вайны жыў і працаваў у г. Есентукі Стаўрапольскага краю.

Толькі ў 1972 годзе Леанід Уладзіміравіч змог прыехаць у родныя мясціны і сустрэцца з землякамі. Ён шмат распавядаў пра фронт, сям'ю, сваіх настаўнікаў.

Памёр 12 лістапада 1985 года.

Імя Героя было прысвоена піянерскай дружыне Пуськаўскай школы Чашніцкага раёна.

16 мая 2015 года ў гонар Героя Савецкага Саюза была адкрыта мемарыяльная дошка на будынку Аршанскага каледжа чыгуначнага транспарту, выпускніком якога ён з'яўляўся.

ЛІТАРАТУРА

1. Буткевіч Леанід Уладзіміравіч // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 428.

2. Буткевич Леонид Владимирович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1975. – С. 65.

3. Буткевич Леонид Владимирович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 112.

4. Буткевич Леонид Владимирович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 29–30.

5. Герои Советского Союза – уроженцы Чашникского района // Чашникский район : справочно-информационные материалы / отв. за вып. Т. В. Пчелкина. – Витебск : Витебская областная типография, 2008. – С. 7–8.

6. Лебедева, О. В честь героя / О. Лебедева // Витебские вести. – 2015. – 16 мая. – С. 1.

7. Нашы землякі – Героі Савецкага Саюза // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 185–187.

8. Торбина, И. Хотлинский снайпер / И. Торбина // Чырвоны прамень (Чашнікі).– 2010. – 2 ліп. – С. 1, 4.

9. Торбина, И. Чашникский снайпер / И. Торбина // Витебские вести.– 2018. – 5 апр. – С. 20.