ГАБРУСЕЎ АЛЯКСЕЙ КАНСТАНЦІНАВІЧ нарадзіўся 1 студзеня 1922 года ў вёсцы Гарошкава Аршанскага павета Гомельскай губерні РСФСР (цяпер Дубровенскі раён Віцебскай вобласці) у сям'і рабочага.

У канцы ліпеня 1941 года Аляксей Канстанцінавіч Габрусеў быў прызваны ў шэрагі Чырвонай Арміі.

Ваяваў на Заходнім фронце. Удзельнік бітвы за Маскву. Быў цяжка паранены. Пасля трох месяцаў лячэння ў шпіталі Аляксея Канстанцінавіча Габрусева накіравалі ў Маршанск. Зноў у дзеючай арміі малодшы сяржант А. К. Габрусеў з ліпеня 1942 г. на Варонежскім фронце.

Летам 1943 года Аляксей Канстанцінавіч Габрусеў быў узведзены ў сяржанты і прызначаны камандзірам аддзялення ўзвода пешай разведкі 465-га стралковага палка. У жніўні 1943 года сяржант Габрусеў удзельнічаў у Белгародска-Харкаўскай аперацыі – складовай часткі Курскай бітвы.

10 студзеня 1944 года старшаму сяржанту Аляксею Канстанцінавічу Габрусеву Указам Прэзідыума Вярхоўнага Савета СССР было прысвоена званне Героя Савецкага Саюза з уручэннем ордэна Леніна і медалі «Залатая Зорка» .

Да 1947 года малодшы лейтэнант А. К. Габрусеў служыў у Польшчы. У 1947 годзе ён скончыў курсы ўдасканалення афіцэрскага складу. З 1954 года служыў у вайсковай частцы ў Феадосіі. Удзельнічаў у размініраванні тэрыторыі Крымскага паўвострава.

З 1964 года падпалкоўнік Габрусеў у запасе. Пасля выхаду ў адстаўку Аляксей Канстанцінавіч працаваў інструктарам у аўташколе ДТСААФ. З 1980 па 1990 гг. ён працаваў у аддзеле забеспячэння Феадасійскай тытунёвай фабрыкі. Затым займаўся актыўнай грамадска-патрыятычнай работай сярод моладзі горада. У 2000 годзе А. К. Габрусеву было прысвоена званне палкоўніка запасу.

9 верасня 2007 года Аляксей Канстанцінавіч памёр. Пахавалі яго на Новых могілках горада Феадосіі.

ЛІТАРАТУРА

1. Габрусев Алексей Константинович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 2 : А–Герань. – С. 857.

2. Габрусев Алексей Константинович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 30.

3. Габрусев Алексей Константинович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 36.

4. Габрусеў Аляксей Канстанцінавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1996. – Т. 4 : Варанецкі–Гальфстрым. – С. 413.

5. Габрусеў Аляксей Канстанцінавіч // Памяць: Дубровенскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: А. Я. Гаўруцікаў [і інш.] ; уклад.: А. Я. Гаўруцікаў, Р. П. Кахноўская ; мастак Э. Э. Жакевіч. – Мінск : Паліграфафармленне, 1997. – Кн. 1. – С. 342.

6. Габрусеў Аляксей Канстанцінавіч // Энцыклапедыя гісторыі Беларусі : у 6 т. / рэдкал.: М. В. Біч [і інш.]. – Мінск : БелЭн імя П. Броўкі, 1993. – Т. 2 : Беліцк–Гімн. – С. 446.

7. Габрусев, А. У сэрцы жыве Айчына / А. Габрусев // Дняпроўская праўда (Дуброўна). – 1982. – 20 лют. – С. 2.

8. З сузор’я герояў // Дняпроўская праўда (Дуброўна). – 1990. – 9 мая. – С. 2.

9. Калько, А. На правым беразе Дняпра / А. Калько // Дняпроўская праўда (Дуброўна). – 1979. – 9 мая. – С. 3.

10. Кулакоў, Ф. Па загаду Айчыны і сэрца / Ф. Кулакоў // Дняпроўская праўда (Дуброўна). – 1998. – 28 кастр. – С. 2.

11. Не старэе душой // Дняпроўская праўда (Дуброўна). – 1984. – 3 лют. – С. 2.

12. Палескі, Ф. Праславілі ў баях / Ф. Палескі // Дняпроўская праўда (Дуброўна). – 1996. – 21 чэрв. – С. 2.

13. Шалуха, Б. Дубровенскі герой / Б. Шалуха // Дняпроўская праўда (Дуброўна). – 1966. – 22 лістап. – С. 3.