Глазуноў Пётр Аляксеевіч нарадзіўся 20 лютага 1920 года ў в. Петрачкі Віцебскага раёна.

У 1938 годзе скончыў Віцебскі аэраклуб, а ў 1940 годзе Адэскую ваенную авіяцыйную школу. У Чырвонай Арміі з 1938 года. З сакавіка 1943 года на Паўднёва-Заходнім, 3-м Украінскім, 3-м і 2-м Прыбалтыйскім, Ленінградскім франтах – камандзір эскадрыллі, намеснік камандзіра штурмавога авіяпалка. Здзейсніў 138 баявых вылетаў, збіў 3 самалёты, знішчыў 18 танкаў, 68 аўтамашын і многа іншай тэхнікі праціўніка. У верасні 1943 года група самалётаў пад камандаваннем ст. лейтэнанта П. А. Глазунова знішчыла і пашкодзіла на варожым аэрадроме 14 самалётаў, разбурыла ангар, падавіла агонь зенітнай батарэі.

Пасля звальнення з Савецкай Арміі П. А. Глазуноў жыў у Харкаве.

Памёр 8 марта 1992 года.

Палкоўнік Глазуноў узнагароджаны двума ордэнамі Леніна, двума ордэнамі Чырвонага Сцяга, двума ордэнамі Аляксандра Неўскага, ордэнамі Айчыннай вайны 1-й і 2-й ступені, двума ордэнамі Чырвонай Звязды, многімі медалямі.

ЛІТАРАТУРА

1. Галдзілаў, У. Калыска Герояў / У. Галдзілаў // Віцебскі рабочы. – 1993. – 19 чэрв. – С. 2.

2. Глазуноў Пётр Аляксеевіч // Памяць: Віцебскі раён : гісторыка-дакументальныя хронікі гарадоў і раёнаў Беларусі / рэдкал.: А. П. Красоўскі [і інш.] ; уклад. У. І. Мезенцаў ; мастак Э. Э. Жакевіч. – Мінск : Мастацкая літаратура, 2004. – С. 334–335.

3. Глазунов Пётр Алексеевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 34.

4. Мезенцев, В. Ас воздушного боя / В. Мезенцев // Жыццё Прыдзвіння (Віцебск). – 1999. – 2 лістап. – С. 3.

5. Мезенцев, В. Храбрый летчик – Герой / В. Мезенцев // Жыццё Прыдзвіння (Віцебск). – 2010. – 16 лют. – С. 2.