Канашэнка Сцяпан Мікалаевіч нарадзіўся ў 1909 годзе ў в. Узніцы Полацкага павета (зараз Полацкі раён) у сям'і служачага.

З 1919 года вучыўся ў Юравіцкай пачатковай школе, скончыў 2 класы. У 16 гадоў пачаў працаваць у Полацкім леспрамгасе. У 1933 годзе ўступіў у калгас імя Варашылава.

У Чырвонай Арміі з 1939 года. Старшына роты 737-га стралковага палка 206-й стралковай дывізіі С. М. Канашэнка вызначыўся ў баях за Днепр. 24 верасня 1943 года ў складзе групы разведчыкаў пераправіўся на правы бераг каля в. Пекары Канеўскага раёна Чаркаскай вобласці і вёў баі з праціўнікам на захопленым плацдарме. Загінуў пры спробе перабрацца на левы бераг Дняпра з данясеннем. Званне Героя Савецкага Саюза прысвоена 3 чэрвеня 1944 года пасмяротна.

Узнагароджаны ордэнам Леніна.

Пахаваны ля в. Пекары Канеўскага раёна Чаркаскай вобласці. У 1988 годзе ў в. Узніцы Полацкага раёна ўсталяваны памятны знак.

ЛІТАРАТУРА

1. Канашэнка Сцяпан Мікалаевіч // Памяць: Полацкі раён : гісторыка-дакументальныя хронікі гарадоў і раёнаў Беларусі / рэдкал.: І. Б. Каросцік, Р. І. Маслоўскі, А. Л. Петрашкевіч ; уклад. С. С. Чарняўская ; мастак Э. Э. Жакевіч. – Мінск : Вышэйшая школа, 1999. – С. 200.

2. Конашенко Степан Николаевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 509.

3. Конашенко Степан Николаевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 65.

4. Конашенко Степан Николаевич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 73.

5. Ліхачоў, У. Агонь на сябе / У. Ліхачоў // Сцяг камунізму (Полацк). – 1984. – 9 мая. – С. 2.