КАНДРАЦЬЕЎ ІВАН ДЗМІТРЫЕВІЧ нарадзіўся 29 жніўня (11 верасня) 1917 года ў вёсцы Гарошкава Дубровенскага раёна ў сялянскай сям’і.

Атрымаў толькі пачатковую адукацыю. Затым уладкаваўся на працу ў сельскую гаспадарку.

З чэрвеня 1941 года Кандрацьеў быў у шэрагах Чырвонай Арміі. У баях Вялікай Айчыннай вайны пачаў удзельнічаць з ліпеня 1942 года. Да сакавіка 1944 года быў камандзірам разліку станковага кулямёта 794-га стралковага палка.

15 сакавіка 1944 года Кандрацьеў змог ліквідаваць тры агнявыя кропкі ворага, забіўшы 9 салдат праціўніка.

13 верасня 1944 года Івану Дзмітрыевічу Кандрацьеву было прысвоена званне Героя Савецкага Саюза.

Пасля дэмабілізацыі ў 1945 годзе Кандрацьеў вярнуўся ў родную вёску. Спачатку ён працаваў у калгасе «Перамога» Дубровенскага раёна, затым заняў пасаду старшыні Засценкаўскага сельсавета.

Памёр Іван Дзмітрыевіч 8 чэрвеня 1955 года. Быў пахаваны на могілках у вёсцы Карумны. У 1958 годзе на яго магіле ўзвялі абеліск. Яго імя прысвоена Засценкаўкай школе Дубровенскага раёна Віцебскай вобласці.
 

ЛІТАРАТУРА

1. Кандрацьеў Іван Дзмітрыевіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 7 : Застаўка–Кантата. – С. 579.

2. Кандрацьеў Іван Дзмітрыевіч // Памяць: Дубровенскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: А. Я. Гаўруцікаў [і інш.] ; уклад.: А. Я. Гаўруцікаў, Р. П. Кахноўская ; мастак Э. Э. Жакевіч. – Мінск : Паліграфафармленне, 1997. – Кн. 1. – С. 342.

3. Кандрацьеў Іван Дзмітрыевіч // Энцыклапедыя гісторыі Беларусі : у 6 т. / рэдкал.: М. В. Біч [і інш.]. – Мінск : БелЭн імя П. Броўкі, 1997. – Т. 4 : Кадэты–Ляшчэня. – С. 84.

4. Каранеўскі, А. Імем героя названы школа, вуліца, дружына / А. Каранеўскі // Дняпроўская праўда (Дуброўна). – 2002. – 11 верас. – С. 2.

5. Коврова, И. Их именами названы улицы в нашем городе / И. Коврова // Дняпроўская праўда (Дуброўна). – 2010. – 8 мая. – С. 3, 6.

6. Кондратьев Иван Дмитриевич // Их именами названы : энциклопедический справочник / редкол.: И. П. Шамякин [и др]. – Минск : БелСЭ, 1987. – С. 295.

7. Кондратьев Иван Дмитриевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 66.

8. Кондратьев Иван Дмитриевич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 73.

9. Палескі, Ф. Праславілі ў баях / Ф. Палескі // Дняпроўская праўда (Дуброўна). – 1996. – 21 чэрв. – С. 3.