Кандрацьеў Пётр Васільевіч
Кандрацьеў Пётр Васільевіч нарадзіўся 20 чэрвеня 1909 года ў Віцебску ў сям'і чыгуначніка.
Скончыў Ленінградскую ваенна-тэарэтычную школу лётчыкаў (1933), Ейскую ваенна-марскую школу лётчыкаў.
Удзельнік савецка-фінскай вайны 1939–1940 гг., падчас якой памочнік камандзіра авіяпалка капітан П. В. Кандрацьеў зрабіў 66 баявых вылетаў, патапіў варожае судна з боепрыпасамі, спаліў на аэрадроме 6 самалётаў, знішчыў 2 паравозы, 6 аўтамашын праціўніка.
Званне «Герой Савецкага Саюза» Кандрацьеву Пятру Васільевічу было прысвоена 21 красавіка 1940 года.
У гады Вялікай Айчыннай вайны ўдзельнічаў у абароне Ленінграда, знішчальны авіяполк пад яго камандаваннем за 5 месяцаў правёў 389 паветраных баёў, знішчыў 105 варожых самалётаў, 55 танкаў.
Палкоўнік Пётр Васільевіч Кандрацьеў загінуў 1 чэрвеня 1943 года ў баі над Фінскім залівам.
Узнагароджаны ордэнамі Леніна, Чырвонага Сцяга (2), Чырвонай Зоркі, медалямі.
Пахаваны ў г. Кранштадт Ленінградскай вобласці. Яго імем названа вуліца ў Віцебску, пасёлак у Выбаргскім раёне Ленінградскай вобласці.
ЛІТАРАТУРА
1. Бруцкий, А. На той войне незнаменитой... / А. Бруцкий // Витебские вести. – 2015. – 12 марта. – С. 21.
2. Кандрацьеў Пётр Васільевіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2002. – Кн. 1. – С. 627.
3. Кондратьев Пётр Васильевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 510.
4. Кондратьев Петр Васильевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 67.
5. Кондратьев Пётр Васильевич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 73–74.
6. Подлипский, А. Еще двое героев-витеблян? / А. Подлипский // Витебский проспект. – 2013. – 27 июня. – С. 5.
СПАСЫЛКІ
