Каралёў Павел Міхайлавіч нарадзіўся 16 (29) ліпеня 1915 года ў в. Крыцкія Гарадоцкага раёна (зараз не існуе).

Пасля заканчэння 7 класаў, працаваў у калгасе, потым на Ленінградскім паравозабудаўнічым заводзе.

У 1936–1939 гг. служыў у Чырвонай Арміі. Удзельнічаў у паходзе савецкіх войскаў у Заходнюю Беларусь у 1939 годзе. 3 лістапада 1941 года ваяваў на Заходнім, Бранскім, 1-м Украінскім франтах. У 1942 годзе скончыў армейскія курсы малодшых лейтэнантаў.

Камандзір батарэі 528-га гарматнага артылерыйскага палка капітан Каралёў вызначыўся ў баях па ўтрыманні і пашырэнні плацдарма на левым беразе р. Одэр у раёне г. Олау (Польша).

3 27 студзеня па 4 лютага воіны-артылерысты адбілі 11 контратак праціўніка і нанеслі яму значны ўрон у баявой тэхніцы і жывой сіле. 5 лютага вораг падцягнуў рэзервы, пацясніў стралковыя падраздзяленні і акружыў назіральны пункт. Капітан Каралёў арганізаваў яго абарону і выклікаў агонь сваёй артылерыі на сябе. У гэты дзень разлікі гармат адбілі 14 варожых атак і адстаялі плацдарм.

Указам Прэзідыума Вярхоўнага Савета СССР ад 27 чэрвеня 1945 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм капітану Каралёву Паўлу Міхайлавічу было прысвоена званне «Герой Савецкага Саюза».

Пасля вайны П. М. Каралёў працягваў ваенную службу. У 1947 годзе ён скончыў Вышэйшую афіцэрскую артылерыйскую школу ў Ленінградзе. 3 1957 года маёр Каралёў быў звольнены ў запас. Жыў у г. Вінніца. Працаваў старшым інструктарам Вінніцкага абласнога камітэта ДТСААФ.

Узнагароджаны ордэнамі Леніна, Айчыннай вайны I, II ступеняў, Чырвонай Зоркі (двойчы), медалямі.

Памёр Павел Міхайлавіч 1 сакавіка 1998 года.

ЛІТАРАТУРА

1. Каралёў Павел Міхайлавіч // Беларуская савецкая энцыклапедыя : у 12 т. / рэдкал.: П. У. Броўка [і інш.]. – Мінск : БелЭн імя П. Броўкі, 1972. – Т. V : Зуйкі–Кішы. – С. 428.

2. Каралёў Павел Міхайлавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1999. – Т. 8 : Канто–Кулі. – С. 51.

3. Королев Павел Михайлович // Неман. – 1967. – № 3. – С. 22.

4. Королев Павел Михайлович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 70.

5. Королёв Павел Михайлович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн, 2010. – Т. 2 : Витебская область : в 2 кн. – Кн. 1. – С. 516.

6. Королёв Павел Михайлович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2007. – Т. 4 : Картография–Миноговые. – С. 225.

7. Королёв Павел Михайлович // Твои сыновья, Беларусь! Кавалеры ордена Славы : биографический справочник / Б. Д. Долготович. – Минск : БеЭн імя П. Броўкі, 2014. – С. 76.

8. Мешков, О. Подвиг совершённый на чужбине / О. Мешков // Гарадоцкі веснік. – 2004. – 27 лістап. – С. 2.

СПАСЫЛКІ

 Королёв Павел Михайлович