Каваленка Сяргей Анісімавіч нарадзіўся 27 лістапада 1921 года ў в. Ульянавічы Сенненскага павета, зараз Сенненскі раён, Герой Савецкага Саюза (1945).

У пачатку Вялікай Айчыннай вайны жыў у Магілёве, разам з бацькам дапамог дзясяткам савецкіх воінаў пазбегнуць палону. Трапіў у «лагер смерці», але уцёк да партызан. У 1943–1944 гг. – у партызанскім атрадзе на тэрыторыі Літвы. На фронце з красавіка 1944 г., радавы.

Вызначыўся ў баях за расшырэнне плацдарма на рацэ Одэр на паўднёвы захад ад г. Шургаст (Германія). 1 лютага 1945 года ў рашучы момант бою закрыў сваім целам амбразуру варожага дзота, кулямётны агонь якога перашкаджаў наступленню. Рота паднялася ў атаку і прарвала абарону праціўніка.

Званне Героя Савецкага Саюза прысвоена 10 красавіка 1945 года пасмяротна.

Пахаваны на могілках у Польшчы.

Яго імем названы вуліцы ў Магілёве і Сянно. У Магілёве на адной з вуліц ўстаноўлена мемарыяльная дошка.

ЛІТАРАТУРА

1. Алексеев, З. Повторил подвиг Матросова / З. Алексеев // Сельская газета. – 1985. – 7 марта. – С. 2.

2. Буракова, Т. Героем стаў у дваццаць чатыры гады / Т. Буракова // Голас Сенненшчыны. – 2017. – 17 чэрв. – С. 6.

3. Каваленка Сяргей Анісімавіч // Яны нарадзіліся на Сенненшчыне : біяграфічны даведнік / склад. А. В. Бараноўскі. – Віцебск : ВДУ імя Машэрава, 2016. – С. 62–63.

4. Коваленко Сергей Анисимович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 498.

5. Коваленко Сергей Анисимович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 4 : Картография–Миноговые. – С. 108.

6. Коваленко Сергей Анисимович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 59.

7. Лазука, І. Е. Каваленка Сяргей Анісімавіч / І. Е. Лазука // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С 297–298.