Казлоў Пётр Міхайлавіч нарадзіўся 24 ліпеня 1893 года ў в. Калена Дзісенскага павета (зараз в. Залесная Глыбоцкага раёна). Генерал-лейтэнант (1944), Герой Савецкага Саюза (1943).

У Чырвонай гвардыі з 1917 г., потым у Чырвонай Арміі. Удзельнік грамадзянскай вайны. Узнагароджаны ордэнам Чырвонага Сцяга (1923). Скончыў Ваенную акадэмію імя Фрунзе (1926).

У Вялікую Айчынную вайну з 1941 г. на Паўднёвым, Паўднёва-Заходнім, Паўночна-Каўказскім і Цэнтральным франтах: намеснік камандуючага, камандуючы арміяй, камандзір 77-га стралковага корпуса. Вызначыўся ў баях за Дняпро на поўнач ад Кіева. У верасні 1943 г. корпус пад камандаваннем генерал-маёра Казлова фарсіраваў раку і, захапіўшы плацдарм, забяспечыў пераправу часцей арміі. Загінуў 17 красавіка 1944 года.

Яго імем названа вуліца ў Пяцігорску, у пасёлку Гарачаводскі Стаўрапольскага краю пастаўлены помнік.

ЛІТАРАТУРА

1. Героі Вялікай Айчыннай // Веснік Глыбоччыны. – 2010. – 28 крас. – С. 7.

2. Ізаітка, М. Мужны, смелы, рашучы / М. Ізаітка // Веснік Глыбоччыны. – 2013. – 2 ліп. – С. 3.

3. Козлов Петр Михайлович // Навечно в сердце народном / гл. ред. П. У. Бровка. – 2-е изд., доп. и испр. – Минск : БелСЭ, 1977. – С. 215.

4. Козлов Пётр Михайлович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2007. – Т. 4 : Картография–Миноговые. – С. 125.

5. Козлов Петр Михайлович // Слава и гордость земли Витебской : биографический справочник / ред. кол.: М. П. Кузьмич [и др.] ; сост. М. Н. Пригожий. – Витебск : Витебская областная типография, 2009. – С. 63.

6. Козлов Пётр Михайлович // Твои сыновья, Беларусь! Герои Советского Сюза : биографический справочник / ред.: Ю. В. Баженов [и др.]. – Минск : БелЭн імя П. Броўкі, 2015. – С. 71.

7. Марцынкевіч, Р. Герой баёў за Дняпро / Р. Марцынкевіч // Памяць: гісторыка-дакументальная хроніка Глыбоцкага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1995. – С. 264–266.

8. Папкоў, В. Генерал Казлоў / В. Папкоў // Шлях перамогі (Глыбокае). – 1979. – 28 чэрв. – С. 2.

9. Салтук, А. Каб і мёртваму жыць / А. Салтук // Віцебскі рабочы. – 1980. – 28 жн. – С. 3.