Хамчаноўскі Уладзімір Антонавіч нарадзіўся 27 верасня 1920 года ў в. Пірагі Полацкага павета (зараз – Расонскі раён).

Вучыўся ў Сінскай, а потым у Клясціцкай сярэдніх школах.

Скончыў Аршанскі настаўніцкі інстытут (1939). Выкладаў у Сакалішчанскай сямігадовай школе Расонскага раёна.

У гады Вялікай Айчыннай вайны, пасля акупацыі Расонскага раёна, актыўна ўключыўся ў барацьбу супраць нямецка-фашысцкіх захопнікаў. Удзельнік Расонскага падполля і партызанскага руху на тэрыторыі Віцебскай вобласці.

Са жніўня 1941 года – член падпольнай групы П. М. Машэрава. Працаваў сярод насельніцтва ў вёсках Клясціцы, Пірагі, Забор'е Расонскага раёна.

З красавіка 1942 года – намеснік камандзіра атрада па разведцы партызанскай брыгады імя К. К. Ракасоўскага.

19 снежня 1942 года У. Хамчаноўскі з групай партызан быў адпраўлены на выкананне чарговага задання. Каля вёскі Гліснаўка Полацкага раёна разведчыкі трапілі ў засаду. Завязаўся бой з фашыстамі. Прыкрываючы адыход партызан, Хамчаноўскі ўступіў у бой з пераўзыходзячымі сіламі праціўніка. Знішчыў 15 гітлераўцаў. Калі ворагі акружылі яго, апошнюю кулю пусціў у сябе.

8 мая 1965 года за мужнасць і гераізм, праяўленыя ў барацьбе супраць нямецка-фашысцкіх захопнікаў, У. І. Хамчаноўскаму пасмяротна прысвоена званне Героя Савецкага Саюза.

Імя У. Хамчаноўскага носіць Клясціцкая сярэдняя школа Расонскага раёна, вуліца ў г. п. Расоны.

У Мінску каля сярэдняй школы № 53 устаноўлены бюст героя; у в. Пірагі – помнік; на месцы дома, дзе нарадзіўся Уладзімір Антонавіч – стэла.

Узнагароджаны ордэнам Леніна.

ЛІТАРАТУРА

1. Аслёзаў, С. Выбух на досвітку / С. Аслёзаў // Маладосць. – 1975. – № 4. – С. 59–104.

2. Грэчка, І. Мужчынская размова / І. Грэчка // Настаўніцкая газета. – 2018. – 22 лют. – С. 14–15.

3. Ланеўскі, Г. А. Ён быў настаўнікам / Г.А. Ланеўскі // Помнікі гісторыі і культуры Беларусі. – 1976. – № 1. – С. 30.

4. Папкоўскі, К. Фарбы яго жыцця / К. Папкоўскі // Народная асвета. – 1970. – № 5. – С. 19–22.

5. Пукшанский, А. Памяти героев двух войн / А. Пукшанский // Звязда. – 2016. – 17 мая. – С. 7.

6. Суслов, А. Друзья познаются в бою / А. Суслов // Рэспубліка. – 2005. – 31 сак. – С. 11.

7. Уладзімір Антонавіч Хамчаноўскі // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 154–155.

8. Хамчаноўскі Уладзімір Антонавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2003. – Т. 16 : Трыпалі–Хвіліна. – С. 536.

9. Хомченовский Владимир Антонович // Навечно в сердце народном: к 30-летию Победы над фашистской Германией / редкол.: П. У. Бровка [и др.]. – Минск : БелСЭ, 1975. – С. 432–433.

10. Хомченовский Владимир Антонович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 566.

11. Хомченовский Владимир Антонович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя Петруся Броўкі, 2008. – Т. 7 : Снегирь–Ящерицын. – С. 438.

12. Хомченовский Владимир Антонович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 140.

13. Хомец, М. Памяць / М. Хомец // Бярозка. – 1975. – №. 2. – С. 4–5.

14. Шпаковская, Г. Их биографии – учебник патриотизма / Г. Шпаковская // Витебские вести. – 2014. – 5 апр. – С. 4.