Краснік Іван Міхайлавіч нapaдзіўся 30 ліпеня 1906 года ў в. Іванск Чашніцкага раёна.

У кастрычніку 1928 года быў прызваны ў рады Чырвонай Арміі. У 1932 годзе скончыў Мінскае артылерыйскае вучылішча. У гады Вялікай Айчыннай вайны ваяваў на Заходнім, Калінінскім, Ленінградскім і 1-м Беларускім франтах.

Полк самаходных гармат пад камандаваннем Івана Міхайлавіча прарваў варожую абарону на шашы Франкфурт-на-Одэры – Берлін, знішчыў 24 танкі і самаходныя гарматы, 51 гармату, 87 мінамётаў, 49 кулямётаў, 24 дзоты праціўніка. За адзін дзень полк адбіў 12 жорсткіх контратак ворага і штурмам авалодаў буйным населенным пунктам.

За умелае камандаванне палком, асабістую мужнасць і гераізм Указам Прэзідыума Вярхоўнага Савета СССР ад 31 мая 1945 г. Івану Міхайлавічу Красніку прысвоена званне Героя Савецкага Саюза. Яго заслугі перад радзімай адзначаны таксама многімі ордэнамі і медалямі.

Пасля вайны І. М. Краснік працягваў службу ў арміі. У 1947 годзе скончыў Вышэйшыя афіцэрскія курсы пры Ваеннай акадэміі бранятанкавых і механізаваных войск. З 1956 года палкоўнік Краснік Іван Міхайлавіч у запасе. Жыў у г. Барысаў Мінскай вобласці.

Памёр 18 лютага 1957 года, пахаваны ў Барысаве.

ЛІТАРАТУРА

1. Васільева, Г. Танкі не прайшлі / Г. Васільева // Чырвоны прамень (Чашнікі). – 1983. – 27 снеж. – С. 2.

2. Герои Советского Союза – уроженцы Чашникского района // Чашникский район : справочно-информационные материалы / отв. за вып. Т. В. Пчелкина. – Витебск : Витебская областная типография, 2008. – С. 7–8.

3. Ими гордится земля иванская // Чашникский район. Агрогородок «Иванск» : буклет / отв. за вып. Т. В. Пчелкина. – Витебск : Чашникский райисполком, 2008. – С. 2.

4. Краснік Іван Міхайлавіч // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 430.

5. Красник Иван Михайлович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1975. – С. 237.

6. Красник Иван Михайлович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 72.

7. Красник Иван Михайлович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 78.

8. Нашы землякі – Героі Савецкага Саюза // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 185–187.

9. Ширко, Н. Иван Михайлович Красник / Н. Ширко // Чырвоны прамень (Чашнікі). – 2019. – 16 лют. – С. 5.