Манковіч Сцяпан Сцяпанавіч нарадзіўся 13 мая 1905 года ў в. Беразіно. Скончыў вышэйшую партыйную школу пры ЦК ВКП(Б) (1946). З 1929 года на савецкай і гаспадарчай рабоце, з 1939 – сакратар Бягомльскага райкама КП(б)Б. У гады Вялікай Айчыннай вайны – у тыле ворага, з сакавіка 1942 – у партызанах, камісар атрада, у верасні 1942 – снежні 1943 гг. – камісар партызанскай брыгады «Жалязняк», адначасова сакратар Бягомльскага падпольнага райкама КП(б)Б.

Пасля вайны – на савецкай і партыйнай рабоце.

Памёр 18 красавіка 1978 года, пахаваны ў Віцебску.

На радзіме, у в. Беразіно, на тэрыторыі сярэдняй школы, устаноўлены бюст, яго імя прысвоена гэтай школе. Адна з вуліц г. п. Бягомль названа імем С. С. Манковіча.

Узнагароджаны ордэнамі Леніна, Чырвонага Сцяга, Айчыннай вайны 2-й ступені, Працоўнага Чырвонага Сцяга, медалямі. Званне Герой Савецкага Саюза прысвоена 1 студзеня 1944 года.

ЛІТАРАТУРА

1. Героі Савецкага Саюза – ураджэнцы Докшыцкага раёна // Родныя вытокі (Докшыцы). – 2008. – 2 ліп. – С. 2.

2. Каралевіч, А. Жыццё і барацьба / А. Каралевіч // Родныя вытокі (Докшыцы). – 2010. – 15 мая. – С. 3.

3. Манкович Степан Степанович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1984. – С. 332.

4. Манкович Степан Степанович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витеб. обл. тип., 2009. – С. 87.

5. Манкович Степан Степанович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 91.

6. Манкович Степан Степанович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 104.

7. Манковіч Сцяпан Сцяпанавіч // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 346–348.

8. Манковіч Сцяпан Сцяпанавіч // Энцыклапедыя гісторыі Беларусі : у 6 т. / рэдкал.: Г. П. Пашкоў [і інш.]. – Мінск, 1999. – Т. 5 : М–Пуд. – С. 70.

9. Сычова, Н. Легендарны Манковіч / Н. Сычова // Звязда. – 2012. – 9 кастр. – С. 4.