Мацюшоў Аляксей Дзмітрыевіч нарадзіўся 21 сакавіка 1916 года ў вёсцы Воўсішча Сенненскага павета, зараз Сенненскага раёна. Герой Савецкага Саюза (1944).

Скончыў Латыгальскую сямігодку, настаўніцкія курсы. Працаваў настаўнікам, сакратаром сельсавета. 3 1937 года ў apмii. Скончыў Харкаўскае ваеннае вучылішча пагранічных войск (1940). У гады Вялікай Айчыннай вайны на фронце з ліпеня 1941 года, маёр. У 1943 годзе – начальнік штаба 940-га стралковага палка 262-й стралковай дывізіі.

Вызначыўся ў верасні 1943 года ў баях за вызваленне Смаленшчыны: з узводам аўтаматчыкаў і 2 узводамі 45-мм гармат зайшоў у тыл ворага, завязаў бой, у выніку якога былі захоплены 4 мінамёты, 27 кулямётаў, 18 аўтамашын, 3 рацыі, 40 вінтовак, забіта каля 200 гітлераўцаў. Мацюшоў загінуў у баі 19 верасня 1943 года ў раёне в. Дзмітракі. Пахаваны ў горадзе Дзямідаве Смаленскай вобласці.

Званне Героя Савецкага Саюза прысвоена 4 чэрвеня 1944 года пасмяротна.

Узнагароджаны ордэнамі Леніна, Чырвонага Сцяга, медалём.

Яго імем названа Латыгальская школа ў Сенненскім раёне.

ЛІТАРАТУРА

1. Гапеева, Л. Сын Сенненшчыны : [верш] / Л. Гапеева // Голас Сенненшчыны. – 2015. – 8 мая. – С. 6.

2. Ермашкевіч, П. З кагорты герояў / П. Ермашкевіч // Голас Сенненшчыны. – 2004.–30 сак. – С. 3.

3. Матюшов Алексей Дмитриевич // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 4 : Картография–Миноговые. – С. 678.

4. Матюшов Алексей Дмитриевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 110.

5. Матюшев Алексей Дмитриевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 91.

6. Мацюшоў Аляксей Дзмітрыевіч // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С 298–299.

7. Мацюшоў Аляксей Дзмітрыевіч // Яны нарадзіліся на Сенненшчыне : біяграфічны даведнік / склад. А. В. Бараноўскі. – Віцебск : ВДУ імя Машэрава, 2016. – С. 97–99.

8. Салаўёў, Н. У бой вёў начальнік штаба / Н. Салаўёў // Ленінская іскра (Сянно). – 1983. – 1 верас. – С. 2.

9. Сіткін, В. Неўміручасць / В. Сіткін // Віцебскі рабочы. – 1974. – 16 крас. – С. 3.