Мядзель Міхаіл Маркавіч нарадзіўся 17 кастрычніка 1910 года ў в. Задзежжа Верхнядзвінскага раёна ў сям' і селяніна.

Скончыў 7 класаў. Член КПСС з 1939 года. З 1941 года старшы лейтэнант на Заходнім, Бранскім, Цэнтральным, 1-м Украінскім і Варонежскім франтах. Парторг батальёна 1031-га страявога палка, ст. лейтэнант Мядзель узначальваў групу воінаў, якая пераправілася 25 верасня 1943 года на правы бераг Дняпра на паўднёвы захад ад с. Акулінава (Казелецкі раён, Чарнігаўская вобл.) і з фланга нанесла раптоўны ўдар па ворагу, чым садзейнічала фарсіраванню ракі.

Званне Героя Савецкага Саюза М. М. Мядзелю прысвоена 17 кастрычніка 1943 года. Міхаіл Маркавіч ваяваў і на Далёкім Усходзе. І там ён выконваў свой партыйны і воінскі абавязак. Да канца вайны на яго гімнасцёрцы побач з Залатой Зоркай Героя заззялі ордэн Леніна, два ордэны Чырвонай Зоркі і 6 медалёў.

Памёр Міхаіл Маркавіч 21 лістапада 1981 года. Пахаваны ў Маскве.

ЛІТАРАТУРА

1. Агурок, П. Палітрук Міхаіл Мядзель / П. Агурок // Віцебскі рабочы. – 1957. – 10 ліп. – С. 3.

2. Мядзель Михаил Маркович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 97.

3. Мядзель Міхаіл Маркавіч // Памяць: Верхнядзвінскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: У. С. Богаў [і інш.] ; уклад. А. Ф. Бубала ; мастак Э. Э. Жакевіч. – Мінск : Паліграфафармленне, 2000. – Кн. 2. – С. 37.

4. Мядзель Михаил Маркович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 153.

5. Мядзель Михаил Маркович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 281.

6. Мядзель Михаил Маркович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 100.

7. Салаўёў, М. Парторг батальёна / М. Салаўёў // Дзвінская праўда (Верхнядзвінск). – 1981. – 16 ліп. – С. 2.