Навіцкі Яўген Гаўрылавіч нарадзіўся 15 жніўня 1912 года ў в. Копцевічы Чашніцкага раёна.

Да 1939 года працаваў лётчыкам-інструктарам у аэраклубах і ў Цэнтральным аэраклубе г. Масквы, а з 1939 года – у лясной авіацыі Ленінградскай вобласці. Захапляўся парашутным спортам. Да чэрвеня 1941 года ім было зроблена 299 скачкоў з самалёта.

Член КПСС з 1939 г. Жыў у Маскве, працаваў у друкарні «Сялянскай газеты». Скончыў лётна-тэхнічную школу Асаавіяхіма, атрымаўшы званне інструктара-парашутыста і інструктара-лётчыка. Затым працаваў у аэраклубах. У чэрвені 1941 года пайшоў на фронт.

Калі пачалася Вялікая Айчынная вайна, Яўген пайшоў добраахвотнікам у пяхоту, але ваенкамат, даведаўшыся аб тым, што ён лётчык, накіраваў яго ў марскую мінна-тарпедную дывізію і ўжо 30 чэрвеня 1941 года ён сядзеў за штурвалам сувязнога самалёта.

28 жніўня 1941 года Навіцкі ляцеў у Новую Ладагу і трапіў пад атаку.

У 72 вылетах знішчыў і пашкодзіў вялікую колькасць баявой тэхнікі і жывой сілы праціўніка. Быў цяжка паранены.

Пасля шпіталя, нягледзячы на поўную страту зроку правым вокам, вярнуўся ў полк і здзейсніў яшчэ 11 баявых вылетаў.

Званне Героя Савецкага Саюза было прысвоена 6 сакавіка 1945 года. Таксама ўзнагароджаны ордэнам Леніна, ордэнамі Чырвонага Сцяга (тройчы), ордэнам Айчыннай вайны I ступені, ордэнам Чырвонай Зоркі, а таксама медалямі.

З 1946 года – у запасе. Жыў у Ленінградзе. Працаваў сакратаром парткама КПСС інстытута Гіпралестранс. Вёў вялікую грамадска-выхаваўчую працу.

Памёр 11 кастрычніка 1997 года. Пахаваны на Валкавыскіх могілках у Ленінградзе.

ЛІТАРАТУРА

1. Герои Советского Союза – уроженцы Чашникского района // Чашникский район : справочно-информационные материалы / отв. за вып. Т. В. Пчелкина. – Витебск : Витебская областная типография, 2008. – С. 7–8.

2. Канторович, А. Небо, море и земля / А. Канторович // Советская Белоруссия. – 1988. – 11 февр. – С. 2.

3. Навіцкі Яўген Гаўрылавіч // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 430.

4. Нашы землякі – Героі Савецкага Саюза // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 185–187.

5. Новицкий Евгений Гаврилович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1975. – С. 305.

6. Новицкий Евгений Гаврилович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 99.

7. Новицкий Евгений Гаврилович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 104.

8. Пафінлаў, А. Адважны сокал / А. Панфілаў // Віцебскі рабочы. – 1969. – 9 мая. – С. 2.

9. Соловьев, Н. Всегда на передовой / Н. Соловьев // Физкультурник Белоруссии. – 1977. – 16 сент. – С. 2.