Перхаровіч Франц Іосіфавіч нарадзіўся 28 мая 1894 г. у в. Заляддзе Докшыцкага раёна ў сялянскай сям'і. Скончыў Ваенную акадэмію імя Фрунзе (1932), курсы «Выстрал» (1941). У арміі з 1915 г., у Чырвонай Арміі з 1918 г. Удзельнік I сусветнай і грамадзянскай войнаў. 3 1921 г. камандзір асобнай роты, начальнік штаба стралковага палка, начальнік аддзялення ў штабе ваеннай акругі.

У Вялікую Айчынную вайну з 1941 года ваяваў на Заходнім, Варонежскім, 1-м Украінскім, 1-м і 3-м Беларускім франтах камандзірам палка, дывізіі, корпуса, камандуючы арміяй. Удзельнік абароны Масквы, вызвалення Украіны, Беларусі, Польшчы, Вісла-Одэрскай і Берлінскай аперацый. Войскі пад яго камандаваннем вызначыліся ў час прарыву абароны праціўніка на тэрыторыі Польшчы, пры фарсіраванні Віслы і ў баях на подступах да Одэра.

Пасля вайны камандаваў арміяй, у 1947–1951 гг. начальнік упраўлення Галоўнага ўпраўлення баявой і фізічнай падрыхтоўкі сухапутных войскаў.

Памёр 11 кастрычніка 1961 года.

Узнагароджаны 3 ордэнамі Леніна, 3 ордэнамі Чырвонага Сцяга, ордэнамі Суворава I і II ступені, ордэнам Кутузава I ступені, медалямі.

Званне Героя Савецкага Саюза прысвоена 6 красавіка 1945 года.

ЛІТАРАТУРА

1. Героі Савецкага Саюза – ураджэнцы Докшыцкага раёна // Родныя вытокі (Докшыцы). – 2008. – 2 ліп. – С. 2.

2. Карповіч, В. Камандарм 47-ай / В. Карповіч // Ленінская трыбуна (Докшыцы). – 1984. – 18 лют. – С. 3 ; 21 лют. – С. 3 ; 23 лют. – С. 3 ; 25 лют. – С. 3.

3. Карповіч, В. На рашаючых напрамках / В. Карповіч // Віцебскі рабочы. – 1989. – 27 крас. – С. 3.

4. Карповіч, В. Старонкі мужнасці / В. Карповіч // Віцебскі рабочы. – 1981. – 13 жн. – С. 2.

5. Перхаровіч Франц Іосіфавіч // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 374–375.

6. Перхорович Франц Иосифович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1984. – С. 406.

7. Перхорович Франц Иосифович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 293.

8. Перхорович Франц Иосифович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витеб. обл. тип., 2009. – С. 104.

9. Перхорович Франц Иосифович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 109.

10. Уроженцы Беларуси – выдающиеся военачальники Великой Отечественной войны // Архівы і справаводства = Архивы и делопроизводство. – 2015. – № 3. – С. 151–156.