Пшонны Сяргей Фаміч нарадзіўся 5 верасня 1922 года ў в. Кушняроўка Чашніцкага раёна. З сялянскай сям'і. Да вайны працаваў токарам на Ленінградскім заводзе «Электрасталь».

У гады Вялікай Айчыннай вайны з 1941 г. прымаў удзел у баявых дзеяннях. У 1942 годзе скончыў курсы малодшых лейтэнантаў.

Узвод разведчыкаў пад камандаваннем старшага лейтэнанта Сяргея Фаміча Пшоннага вызначыўся 2 жніўня 1944 г. пры фарсіраванні ракі Вісла на поўдзень ад Варшавы. Байцы ўзвода знішчылі агнявыя кропкі праціўніка, разграмілі штаб зенітнага палка, захапілі ў палон яго афіцэраў з дакументамі і палкавым сцягам, садзейнічалі пераправе двух савецкіх палкоў.

У чэрвені 1941 года Сяргей Фаміч пайшоў на абарону Ленінграда. Неўзабаве быў паранены. Лячыўся ў шпіталі. Скончыў афіцэрскія курсы, пасля чаго яго прызначылі камандзірам мінамётнага ўзвода.

За ўзорнае выкананне баявых заданняў камандавання на фронце, барацьбу з нямецкімі захопнікамі і праяўленыя пры гэтым адвагу і гераізм 24 сакавіка 1945 года С. Ф. Пшоннаму прысвоена званне Героя Савецкага Саюза. Узнагароджаны ордэнамі Леніна (1945), Айчыннай вайны I ступені (1985), медалямі.

Пасля вайны жыў і працаваў у Днепрапятроўску.

Памёр 30 жніўня 1994 года.

На будынку сярэдняй школы № 1 г. Чашнікі, у якой вучыўся будучы герой, была ўсталявана мемарыяльная дошка.

ЛІТАРАТУРА

1. Герои Советского Союза – уроженцы Чашникского района // Чашникский район : справочно-информационные материалы / отв. за вып. Т. В. Пчелкина. – Витебск : Витебская областная типография, 2008. – С. 7–8.

2. Нашы землякі – Героі Савецкага Саюза // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 185–187.

3. Пшенный Сергей Фомич // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1975. – С. 339.

4. Пшенный Сергей Фомич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 111.

5. Пшённый Сергей Фомич // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 116.

6. Пшонны Сяргей Фаміч // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 431–432.