Сіянін Міхаіл Данілавіч нарадзіўся 17 снежня 1901 года ў в. Забалацце Аршанскага раёна.

У 1920 годзе М. Д. Сіянін быў прызваны на службу ў Чырвоную Армію. Удзельнік ліквідацыі кранштацкага мяцяжу, баёў з бандамі Антонава, басмачамі; узнагароджаны ордэнам Чырвонага Сцяга і імянной шашкай Рэўваенсавета СССР. У 1927 годзе скончыў Вышэйшую кавалерыйскую школу, у 1941 годзе – Ваенную акадэмію Генштаба.

Удзельнічаў у бітве пад Масквой. У верасні 1943 года брыгада пад яго камандаваннем вызначылася ў бітве за Дняпро каля в. Вялікі Букрын, на паўднёвы ўсход ад Кіева, 22.09.1943 г. фарсіравала раку і захапіла плацдарм.

Указам Прэзідыума Вярхоўнага Савета СССР ад 17 лістапада 1943 года палкоўнік Міхаіл Сіянін быў удастоены высокага звання Героя Савецкага Саюза з уручэннем ордэна Леніна і медаля «Залатая Зорка».

У 1947 годзе Міхаіл Данілавіч Сіянін быў звольнены ў запас. Пражываў у Оршы, працаваў дырэктарам музея Канстанціна Заслонава.

Памёр Міхаіл Данілавіч 1 кастрычніка 1973 года. Яго імем названа вуліца ў Оршы.

ЛІТАРАТУРА

1. Сиянин Михаил Данилович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 2. – С. 466.

2. Сиянин Михаил Данилович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2008. – Т. 6 : Пейзаж–Снегирёв. – С. 669.

3. Сиянин Михаил Данилович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 118.

4. Сиянин Михаил Данилович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 125.

5. Сіянін Міхаіл Данілавіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад.: Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 1999. – Кн. 1. – С. 373–374.

6. Сузин, Л. Журавли возвращаются / Л. Сузин // Время и люди. – Минск : Беларусь, 1972. – С. 30–35.