Ткачэнка Міхаіл Мікалаевіч нарадзіўся 28 жніўня 1922 года ў г. п. Бешанковічы Віцебскай вобласці ў сялянскай сям’і. У 1938 годзе пасля заканчэння 8 класаў Бешанковіцкай сярэдняй школы паехаў працаваць у Мінск. Тут жа займаўся ў аэраклубе. Прызваны ў армію ў 1940 годзе. У 1942 годзе скончыў Навасібірскую ваенную авіцыйную школу пілотаў у званні сяржанта. У Чырвонай Арміі з 1942 года. Удзельнік вызвалення Паўночнага Каўказа, Крыма, Украіны, Румыніі, Венгрыі. У 1943 годзе ўступіў у ВКП (б). Да пачатку 1944 года здзейсніў 103 баявых вылета на штурмоўку аб'ектаў праціўніка, у 7 бітвах збіў 1 самалёт праціўніка. Пасля заканчэння вайны М. Ткачэнка працягваў служыць у ВПС. З зімы 1942 па студзень 1944 года М. Ткачэнка здзейсніў 103 паспяховых вылета, з іх 16 – на выведку войскаў праціўніка. За гэты перыяд было знішчана 4 танкі, 48 аўтамашын, 17 палявых гармат, 3 склады з боепрыпасамі, 9 мінамётаў з разлікамі, 4 катэры, каля 160 нямецкіх салдат і афіцэраў. Правёў сем паветраных баёў са знішчальнікамі праціўніка і збіў адзін ФВ-190.

Некаторы час пасля вайны разам са сваім 210-м ШАП (у складзе акупацыйных войскаў) Міхаіл Ткачэнка жыў у румынскім горадзе Орадэа-Марэ. У 1948 полк быў эвакуіраваны ў Адэсу. Але перад самым ад'ездам, у 1948 годзе, Міхаіл Ткачэнка памёр ад няшчаснага выпадку ў горадзе Брашаў, дзе ён знаходзіўся апошнія паўгода з авіяцыйнай часткай.

Званне Героя Савецкага Саюза Міхаіл Ткачэнка атрымаў 13 красавіка 1944 года пасля баёў за Севастопаль падчас Крымскай аперацыі. Узнагароджаны ордэнамі Леніна, Чырвонага Сцяга (двойчы), Аляксандра Неўскага, Айчыннай вайны 1-й ступені, Чырвонай Зоркі. Імя Міхаіла Ткачэнкі носіць школа № 2 у Бешанковічах, там жа ўстаноўлена мемарыяльная дошка. Таксама імем Ткачэнкі названы дзве вуліцы ў Бешанковічах і Полацку.

ЛІТАРАТУРА

1. Ткаченко Михаил Николаевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич (пред.) [и др.]. – Витебск : Витебская областная типография, 2009. – С. 130.

2. Ткаченко Михаил Николаевич // Твои сыновья, Беларусь! Герои Советского Союза : биографический справочник / ред. Ю. В. Баженов [и др.]. – Мінск : БелЭн імя П. Броўкі, 2015. – С.135–136.

4. Крачкоўскі, А. Залатая Зорка Міхаіла Ткачэнкі / А. Крачкоўскі // Зара (Бешанковічы). – 2012. – 10 жн. – С. 2, 6 ; 14 жн. – С. 4 ; 28 жн. – С. 3.

5. Крачкоўскі, А. Камандзір першай эскадрыллі / А. Крачкоўскі // Зара (Бешанковiчы). – 2007. – 31 жн. – С. 7.

6. Крачкоўскі, А. Сокал бешанковіцкай зямлі / А. Крачкоўскі // Зара (Бешанковiчы). – 2007. – 8 чэрв. – С. 3.

7. Крачкоўскі, А. Узнагароды землякоў / А. крачкоўскі // Зара (Бешанковічы). – 2009. – 21 жн. – С. 4.

8. Крылаты баец // Памяць: гісторыка-дакументальная хроніка Бешанковіцкага раёна / рэдкал.: І. П. Шамякін (гал. рэд.) [і інш.] ; мастак А. М. Хількевіч. – Мінск : БелСЭ імя П. Броўкі, 1991. – С. 226–228.

9. Ткачэнка Міхаіл Мікалаевіч // Імёны, асобы, лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 283.

10. Ткачэнка Міхаіл Мікалаевіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Витебская областная типография, 2007. – С. 168.