Шэлепень Аляксандр Кірылавіч нарадзіўся 14 кастрычніка 1918 года ў в. Забор'е Полацкага павета (зараз – Расонскі раён) у сялянскай сям'і.

Скончыў 7 класаў Клясціцкай сярэдняй школы. Працаваў рахункаводам у Юхавіцкім леспрамгасе.

З 1938 года – у Чырвонай Арміі.

У 1939 годзе скончыў Кастрамскую школу сяржанцкага складу.

З чэрвеня 1941 года – на Заходнім, Валхоўскім, Ленінградскім, 1-м Беларускім франтах. У 1942 годзе пасля заканчэння курсаў малодшых лейтэнантаў стаў камандзірам артылерыйскай батарэі, ваяваў на Волхаўскім, Ленінградскім, 1-м Беларускім франтах.

Удзельнік абароны Масквы.

Камандзір батарэі (121-я гаўбічная артылерыйская брыгада, 2-я артылерыйская дывізія, 6-ы артылерыйскі корпус, 5-я ўдарная армія, 1-ы Беларускі фронт) старшы лейтэнант А. К. Шэлепень вызначыўся ў баях за Берлін.

Яго батарэя прыкрывала артылерыйскім агнём пяхоту. Яна адной з першых уварвалася на ўскраіну Берліна і адкрыла агонь, знішчыўшы больш за 30 умацаванняў ворага.

Званне Героя Савецкага Саюза ён атрымаў у 1946 годзе за ўзорнае выкананне баявых заданняў і гераізм у баях за ўзяцце Берліна.

Пасля Вялікай Айчыннай вайны да 1947 года капітан А. К. Шэлепень служыў у Савецкай Арміі.

У 1951–1953 гг. – старшыня Полацкага абкама прафсаюза работнікаў дзяржгандлю і спажыўкааперацыі.

З 1954 года жыў у Карэльскай АССР, у Казахстане.

Узнагароджаны ордэнамі Леніна, Чырвонага Сцяга, Айчыннай вайны I і II ступені, медалямі.

Імем героя названа вуліца ў г. п. Расоны.

Памёр 12 чэрвеня 1964 года.

ЛІТАРАТУРА

1. Грэчка, І. Мужчынская размова / І. Грэчка // Настаўніцкая газета. – 2018. – 22 лют. – С. 14–15.

2. Кавалеры Золотой Звезды // Рэспубліка. – 1995. – 4 мая. – С. 5.

3. Последний бой – он трудный самый / подгот. М. Алексеева // Голас Расоншчыны. – 2013. – 8 мая. – С. 3.

1. Шелепень Александр Кириллович // Навечно в сердце народном: к 30-летию Победы над фашистской Германией / редкол.: П. У. Бровка [и др.]. – Минск : БелСЭ, 1975. – С. 457.

2. Шелепень Александр Кириллович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 608.

3. Шелепень Александр Кириллович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2008. – Т. 7 : Снегирь–Ящерицын. – С. 581.

4. Шелепень Александр Кириллович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 146.

5. Шелепень Александр Кириллович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 149.

6. Шелепень Александр Кириллович // Неман. – 1968. – № 4. – С. 68.

7. Шэлепень Аляксандр Кірылавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2004. – Т. 18 : Шчытнікі–Яя : у 2 кн. – Кн. 1. – С. 28.

8. Шэлепень Аляксандр Кірылавіч // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 196.