Сурын Марцін Акімавіч нарадзіўся 17 мая 1908 года ў в. Руднае Чашніцкага раёна. Працаваў у калгасе.

На фронт пайшоў пасля вызвалення Чашніцкага раёна ў ліпені 1944 года. Быў стралком 631-га палка. Некалькі разоў Марціну Акімавічу даводзілася выконваць ганаровую ролю сцяганосца палка. Удзельнік баёў у Літве і ва Усходняй Прусіі. Вызначыўся пры вызваленні Літвы пры фарсіраванні рэк Нёман і Шашупе.

Першую баявую ўзнагароду – медаль «За адвагу» – заслужыў 16 жніўня 1944 года ў баі за літоўскую вёску Рудзе, што ў Літве, дзе супрацьтанкавымі гранатамі падбіў два варожыя танкі.

Званне Героя Савецкага Саюза атрымаў у 1945 годзе.

З 9 жніўня па 2 верасня 1945 года на 1-м Далёкаўсходнім фронце, удзельнічаў у Харбіна-Гірынскай наступальнай аперацыі.

Пасля вайны жыў у вёсцы Каўпыніца Крупскага раёна Мінскай вобласці, працаваў у калгасе «Камунар».

Памёр Марцін Акімавіч 24 красавіка 1963 года. Пахаваны ў аграгарадку Нача Крупскага раёна. Імём Сурына названая сярэдняя школа ў вёсцы Латыголічы. На той жа школе ўсталявана мемарыяльная дошка ў гонар яго.

ЛІТАРАТУРА

1. Герои Советского Союза – уроженцы Чашникского района // Чашникский район : справочно-информационные материалы / отв. за вып. Т. В. Пчелкина. – Витебск : Витебская областная типография, 2008. – С. 7–8.

2. Іваноўскі, Я. Сцяганосец / Я. Іваноўскі // Віцебскі рабочы. – 1979. – 26 чэрв. – С. 2.

3. Нашы землякі – Героі Савецкага Саюза // Гістарычна-краязнаўчы курс «Наша Чашніччына». Чашніказнаўства / В. В. Грыбко. – Мінск : Медисонт, 2007. – С. 185–187.

4. Сурин Мартин Акимович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1975. – С. 393.

5. Сурин Мартин Акимович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витеб. обл. тип., 2009. – С. 12.

6. Сурин Мартин Акимович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 132.

7. Сурын Мартын Акімавіч // Памяць: Чашніцкі раён : гісторыка-дакументальныя хронікі гарадоў і раёнаў Беларусі / рэдкал.: М. Ц. Дробыш [і інш.] ; аўт.-уклад. Н. Т. Кіндзяева ; рэд.: А. І. Валахановіч, В. І. Марціновіч ; мастак Э. Э. Жакевіч. – Мінск : Беларуская навука, 1997. – С. 433.