Валенцік Дзмітрый Данілавіч нарадзіўся 23 лютага 1907 года ў в. Райкава Полацкага павета (зараз Полацкі раён) у сялянскай сям'і.

У Чырвонай Арміі з 1929 года. У 1931 годзе скончыў Арэнбургскую авіяцыйную школу, у 1936 годзе – курсы камандзіраў пры Барысаглебскай авіяцыйнай школе лётчыкаў.

Удзельнік савецка-фінляндскай вайны 1939–1940 гг. 3-я скарасная бамбардзіровачная эскадрылля 5-га асобнага скараснога бамбардзіровачнага палка, якой камандаваў капітан Д. Д. Валенцік, за перыяд баявых дзеянняў зрабіла 26 баявых вылетаў, у трох паветраных баях збіла 5 знішчальнікаў праціўніка.

Званне Героя Савецкага Саюза прысвоена 7 мая 1940 года.

У гады Вялікай Айчыннай вайны камандаваў авіяцыйным палком. На яго рахунку 115 баявых вылетаў. Ваяваў на Паўднёва-Заходнім, Сталінградскім, Паўднёвым, 4-м Украінскім і 3-м Беларускім франтах. 3 1944 года ў інспекцыі ВПС Чырвонай Арміі. У 1955 годзе выйшаў у адстаўку.

Узнагароджаны трыма ордэнамі Леніна, трыма ордэнамі Чырвонага Сцяга, ордэнамі Суворава 3-й ступені, Аляксандра Неўскага, Айчыннай вайны 1-й ступені, Чырвонай Зоркі.

Жыў і працаваў у г. Рэчыца Гомельскай вобласці.

Памёр Дзмітрый Данілавіч 30 сакавіка 1969 года.

ЛІТАРАТУРА

1. Бруцкий, А. На той войне незнаменитой... / А. Бруцкий // Витебские вести. – 2015. – 12 марта. – С. 21.

2. Валентик Дмитрий Данилович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭН, 2010. – Т. 2 : Витебская область : в 2 кн. – Кн. 1. – С. 118.

3. Валентик Дмитрий Данилович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 26.

4. Валентик Дмитрий Данилович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 31–32.

5. Валенцік Дзмітрый Данілавіч // Памяць: Полацкі раён : гісторыка-дакументальныя хронікі гарадоў і раёнаў Беларусі / рэдкал.: І. Б. Каросцік, Р. І. Маслоўскі, А. Л. Петрашкевіч ; уклад. С. С. Чарняўская ; мастак Э. Э. Жакевіч. – Мінск : Вышэйшая школа, 1999. – С. 200.

6. Ліхачоў У. Бомбы – у цэль / У. Ліхачоў // Сцяг камунізму (Полацк). – 1984. – 28 лістап. – С. 2.