Васілеўскі Ягор Васільевіч нарадзіўся 1 студзеня 1922 года ў в. Гарбачова Віцебскага раёна.

Скончыў Віцебскі аэраклуб, Адэскую авіяцыйную школу знішчальнікаў імя Паліны Асіпенка. Атрымаў назначэнне ў Сталінградскае вучылішча лётчыкаў, дзе працаваў інструктарам да 1943 года. Прымаў удзел у складзе Сцяпнога, Варонежскага, 2-га Украінскага франтоў у баях за вызваленне Белграда, Харкава, Палтавы, Крэменчуга, Кіраваграда, Вінніцы, Бельцаў, Кішынёва, Яс, баях у небе Румыніі, Венгрыі, Аўстрыі, Чэхаславакіі.

Радасць перамог іншы раз азмрочвалі няўдачы, страты баявых сяброў і вінтакрылых машын. Тры разы збівалі самалёт бясстрашнага лётчыка, але, дзякуючы высокаму майстэрству, заўсёды ўдавалася дацягнуць да сваіх і захаваць самалёт. Лёс прыхільна аднёсся да Ягора Васілеўскага: ні раненняў, ні кантузій. А як многа на яго баявым рахунку – 21 збіты варожы самалёт, 64 паветраныя баі, 296 баявых вылетаў. За 17 збітых самалётаў, неаднаразовыя вылеты ў разведку, адвагу і мужнасць Ягора Васілеўскага прадставілі да звання Героя Савецкага Саюза.

Служыў у Савецкай арміі да 1958 года.

Памёр 1 мая 1991 года.

Палкоўнік Васілеўскі ўзнагароджаны ордэнам Леніна, ордэнам Аляксандра Неўскага, чатырма – Чырвонага Сцяга, Айчыннай вайны І ступені, Чырвонай Зоркі і многімі медалямі.

ЛІТАРАТУРА

1. Васілеўскі Ягор Васільевіч // Памяць: Віцебскі раён : гісторыка-дакументальныя хронікі гарадоў і раёнаў Беларусі / рэдкал.: А. П. Красоўскі [і інш.] ; уклад. У. І. Мезенцаў ; мастак Э. Э. Жакевіч. – Мінск : Мастацкая літаратура, 2004. – С. 333–334.

2. Василевский Егор Васильевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С.27.

3. Васильев, В. Была у лётчика мечта... / В. Васильев // Жыццё Прыдзвіння (Віцебск). – 2008. – 26 крас. – С. 2.

4. Галдзілаў, У. Калыска герояў / У. Галдзілаў // Віцебскі рабочы. – 1993. – 19 чэрв. – С. 3.

5. Судніковіч, С. Бясстрашны сокал з группы «Меч» / С. Судніковіч // Ленінская праўда (Віцебск). – 1981. – 9 мая. – С. 2.

6. Шилович, А. Герой Советского Союза умирает незаметно/ А. Шилович // Віцьбічы = Витьбичи. – 1991. – 8 мая. – С. 2.