Юхнавец Арсенцій Гаўрылавіч нарадзіўся ў 1916 г. у в. Бераснёўка Докшыцкага раёна ў сялянскай сям'і. У Чырвонай Арміі з 1938 г. Удзельнік вызвалення Заходняй Беларусі ў 1939 г. У 1940 г. працаваў трактарыстам у Бягомльскай МТС.

На фронце з 1941 г., вадзіцель, франтавы разведчык, артылерыст. Удзельнік абароны Масквы, Курскай бітвы, вызвалення Беларусі, Польшчы.

Памочнік камандзіра ўзвода старшына А. Г. Юхнавец вызначыўся ў баях пад Брэстам. 27 ліпеня 1944 года выявіў калону варожых аўтамашын і выклікаў агонь артылерыі на сябе. У выніку знішчана 30 аўтамашын з ваенным грузам і 150 гітлераўцаў. Загінуў 20 жніўня 1944 г. у баях пад Варшавай. Пахаваны ў в. Множ (Польшча).

Імем А. Г. Юхнаўца названы вуліца ў г. п. Бягомль і школа ў в. Бераснёўка, на доме, дзе ён нарадзіўся, устаноўлена мемарыяльная дошка.

За свае заслугі ў час баёў на Курскай дузе ў 1943 годзе быў узнагароджаны ордэнам Чырвонага Сцяга.

Званне Героя Савецкага Саюза прысвоена 25 верасня 1944 года.

ЛІТАРАТУРА

1. Героі Савецкага Саюза – ураджэнцы Докшыцкага раёна // Родныя вытокі (Докшыцы). – 2008. – 2 ліп. – С. 2.

2. Лукашэвіч, Я. Агонь на сябе / Я. Лукашэвіч // Ленінская трыбуна (Докшыцы). – 1980. – 27 мая. – С. 3.

3. Палачанін, Ф. А. Арсенцій Юхнавец // Докшыцкі край / Ф. А. Палачанін. – Мінск : Беларусь, 2009. – С. 39.

4. Пашэвіч, В. Памяць жыве / В. Пашэвіч // Родныя вытокi (Докшыцы). – 2004. – 14 крас. – С. 2.

5. Юхнавец Арсенцій Гаўрылавіч // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 377.

6. Юхновец Арсений Гаврилович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 626.

7. Юхновец Арсений Гаврилович // Навечно в сердце народном / редкол.: И. П. Шамякин [и др.]. – 3-е изд., доп. и испр. – Минск : БелСЭ им. П. Бровки, 1984. – С. 601–602.

8. Юхновец Арсений Гаврилович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витеб. обл. тип., 2009. – С. 152.

9. Юхновец Арсений Гаврилович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 153.

10. Юхнавец, У. Яго імя не забудзе народ / У. Юхнавец // Віцебскі рабочы. – 1965. – 17 сак. – С. 2.