Забагонскі Сямён Аляксандравіч нарадзіўся 14 студзеня 1910 года ў в. Залучча Верхнядзвінскага раёна.

Працаваў у калгасе. Член КПСС з 1944 года. У верасні 1941 года прызваны ў Красную Армію. З таго ж года на Заходнім, Цэнтральным, Варонежскім, 4-м Украінскім франтах. Памочнік камандзіра ўзвода сяржант С. А. Забагонскі вызначыўся пры вызваленні Кіеўскай вобласці. У ноч на 24 верасня 1943 года на чале групы разведчыкаў фарсіраваў Дняпро на поўнач ад г. п. Ржышчаў, светлавымі сігналамі паказаў месца для прычальвання лодак і плытоў. Падраздзяленні палка паспяхова пераправіліся цераз раку. Удзельнічаў у баі за плацдарм, адбіцці контратак. Пасля вайны працаваў у Томскай і Ленінградскай абласцях.

Званне Героя Савецкага Саюза прысвоена ў 1943 годзе.

Памёр Сямён Аляксандравіч 27 студзеня 1955 года. Пахаваны ў Ленінградзе. У вёсцы Залучча ў памяць аб С. А. Забагонскім устаноўлена стэла.

ЛІТАРАТУРА

1. Алея Герояў // Дзвінская праўда (Верхнядзвінск). – 2018. – 8 мая. – С. 4–5.

2. Забагонский Семён Александрович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 434.

3. Забагонский Семён Александрович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 3 : Герасименко–Картель. – С. 578.

4. Забагонский Семен Александрович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 46.

5. Забагонский Семён Александрович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 53–54.

6. Забагонскі Сямён Аляксандравіч // Памяць: Верхнядзвінскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: У. С. Богаў [і інш.] ; уклад. А. Ф. Бубала ; мастак Э. Э. Жакевіч. – Мінск : Паліграфафармленне, 2000. – Кн. 2. – С. 34–35.