Жукаў Сцяпан Іванавіч нарадзіўся 1 мая 1923 г. у былой вёсцы Пушча Расонскага раёна ў сям'і селяніна.

Скончыў Віцебскі аэраклуб (1941), Чарнігаўскую знішчальную школу пілотаў (1942), Вышэйшыя лётна-тактычныя афіцэрскія курсы (1952).

З 1941 года – у Чырвонай Арміі, з ліпеня 1943 года – лётчык-штурмавік на Цэнтральным і 1-м Беларускім франтах.

Удзельнік Курскай бітвы, вызвалення Украіны, Беларусі, Польшчы, баёў у Германіі.

Намеснік камандзіра авіяэскадрыллі старшы лейтэнант С. I. Жукаў зрабіў 170 баявых вылетаў на штурмоўку жывой сілы і тэхнікі праціўніка, у тым ліку падчас вызвалення Беларусі 50 вылетаў на чале групы самалётаў і 30 на разведку.

Вызначыўся пры вызваленні Польшчы, прымаў удзел у знішчэнні групоўкі нямецка-фашысцкіх захопнікаў у раёне г. Познань.

За ўзорнае выкананне баявых заданняў камандавання ў барацьбе з нямецка-фашысцкімі захопнікамі, за гераізм і мужнасць 15 мая 1946 года прысвоена званне Героя Савецкага Саюза.

Пасля вайны С. I. Жукаў служыў у Савецкай Арміі. З 1957 года – маёр запасу.

Жыў у Расонах, Курску, Полацку.

У 1961–1967 гг. – інструктар гарнізоннага Дома афіцэраў у г. Курск (Расія).

Узнагароджаны ордэнамі Леніна, Чырвонага Сцяга (тройчы), Айчыннай вайны I ступені (двойчы), Чырвонай Зоркі, Славы III ступені.

Імем Сцяпана Іванавіча Жукава названа вуліца ў г. п. Расоны.

Памёр 24 ліпеня 1997 года.

ЛІТАРАТУРА

1. Грэчка, І. Мужчынская размова / І. Грэчка // Настаўніцкая газета. – 2018. – 22 лют. – С. 14–15.

2. Жукаў Сцяпан Іванавіч // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 195–196.

3. Жукаў Сцяпан Іванавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 6 : Дадаізм–Застава. – С. 445.

4. Жуков Степан Иванович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 3 : Герасименко–Картель. – С. 568.

5. Жуков Степан Иванович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 45.

6. Жуков Степан Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 431–432.

7. Жуков Степан Иванович // Неман. – 1966. – № 12. – С. 77.

8. Жуков Степан Иванович // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 53.

9. Каждый его вылет – подвиг в небе войны / подгот. Т. Лопатина // Голас Расоншчыны. – 2013. – 27 крас. – С. 4.

10. Кожар, Н. Зорны шлях Героя / Н. Кожар // Голас Расоншчыны. – 2005. – 4 лют. – С. 2.

11. Лихачев, В. Подвиг в небе / В. Лихачев // Во славу Родины. – 1976. – 25 нояб. – С. 2.

12. Непрерванный полёт // Полацкі веснік. – 2009. – 8 мая. – С. 7.