Зянькова Ефрасіння Савельеўна
Зянькова Ефрасіння Савельеўна нарадзілася 22 снежня 1923 года ў былой вёсцы Ушалы Шумілінскага раёна ў сялянскай сям'і.
Пасля заканчэння Лявонаўскай сямігадовай школы паступіла ў Віцебскае вучылішча фабрычна-заводскага навучання швейнікаў, адначасова скончыла школу рабочай моладзі. Працавала на віцебскай швейнай фабрыцы «Сцяг індустрыялізацыі». У ліку лепшых работніц была накіравана на вучобу ў швейна-тэкстыльны тэхнікум, але паспела скончыць толькі першы курс.
Летам 1941 года вярнулася ў родную вёску.
Са студзеня 1942 па жнівень 1943 гг. узначальвала падпольную камсамольскую арганізацыю «Юныя мсціўцы». Са жніўня 1943 г. – у атрадзе імя К. Е. Варашылава партызанскай брыгады імя У. І. Леніна.
У чэрвені 1944 года вярнулася ў Віцебск. Працавала інструктарам Чыгуначнага райкама камсамола. Праз 2 гады перайшла на працу ў аддзяленне міліцыі, з 1951 г. – супрацоўнік Чыгуначнага райваенкамата г. Віцебска.
1 ліпеня 1958 года прысвоена званне «Герой Савецкага Саюза».
З 1967 года – на заслужаным адпачынку, з 1976 года – Ганаровы грамадзянін г. Віцебска.
Узнагароджана ордэнамі Леніна, Айчыннай вайны І ступені, Чырвонай Зоркі, медалямі.
Памёрла 19 красавіка 1984 года.
На доме, дзе жыла Зянькова, па вуліцы Шрадара ўсталявана мемарыяльная дошка. Яе імя носяць вуліцы ў г. Віцебск і г. п. Обаль.
ЛІТАРАТУРА
1. Азевич, И. Великая скромная Фруза / И. Азевич // Віцьбічы = Витьбичи. – 2014. – 18 окт. – С. 11.
2. Зенькова Ефросинья Савельевна / В. Смирнов // Память: историко-документальная хроника Шумилинского района / редкол.: И. П. Шамякин [и др.] ; худож. А. Н. Хилькевич. – Минск : БелЭн им. П. Бровки, 1985. – С. 90–91.
3. Зенькова Ефросинья Савельевна // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 455.
4. Зенькова Ефросинья Савельевна // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 3 : Герасименко–Картель. – С. 666–667.
5. Зенькова Ефросинья Савельевна // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 49.
6. Зенькова Ефросинья Савельевна // Твои сыновья, Беларусь! Герои Советского Союза : биографический справочник / ред.: Ю. В. Баженов [и др.] ; худ. ред. П. В. Баранов. – Минск : БелЭн імя П. Броўкі, 2015. – С. 55–56.
7. Зянькова Ефрасіння Савельеўна // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 7 : Застаўка–Кантата. – С. 135.
8. Зянькова Ефрасіння Савельеўна // Беларусь у Вялікай Айчыннай вайне 1941–1945 : энцыклапедыя / рэдкал.: А. Я. Андрэеў [і інш.]. – Мінск : БелСЭ, 1990. – С. 224–225.
9. Кузьмич, Т. Всем смертям назло... / Т. Кузьмич // Вiцебскі рабочы. – 2003. – 23 снеж. – С. 2.
10. Кузьміч, Т. Каб заўтра не памерла ніколі / Т. Кузьміч // Звязда. – 2015. – 19 жн. – С. 3.
11. Мароз, М. Фрузе Зяньковай споўнілася б 90... / М. Мароз // Герой працы (Шумiлiна). – 2013. – 28 снеж. – С. 4.
12. Ніціеўская, Ж. Адважная Фруза / Ж. Ніціеўская // Герой працы (Шумiлiна). – 2019. – 9 студз. – С. 4.
СПАСЫЛКІ
Зенькова Ефросинья Савельевна. Почётные граждане города Витебска
