Куканенка Мікіта Барысавіч
Куканенка Мікіта Барысавіч – ваенны лётчык, гвардыі лейтэнант. Герой Беларусі (2021), лётчык звяна вучэбна-баявой эскадрыллі на Як-130.
Нарадзіўся 18 верасня 1998 года ў Полацку. Яго дзед жыў у г. п. Баравуха, дзе размяшчалася верталётная база. Пасля наведвання базы юны Мікіта вырашыў стаць пілотам. Але ён абраў не верталёты, а самалёты. Паступіў у Полацкае кадэцкае вучылішча. Скончыў авіяцыйны факультэт Ваеннай акадэміі Рэспублікі Беларусь. У 2020 годзе пачаў службу ў Лідскай штурмавой авіябазе лётчыкам звяна вучэбна-баявой эскадрыллі на Як-130. Падчас службы таксама асвоіў самалёт Л-39.
19 мая 2021 года здарылася трагедыя. Пад Баранавічамі пацярпеў крушэнне ваенны самалёт 116-й гвардзейскай штурмавой авіябазы Як-130. Палёт выконвалі камандзір звяна вучэбна-баявой эскадрыллі маёр Андрэй Уладзіміравіч Нічыпорчык і пілот лейтэнант Мікіта Барысавіч Куканенка. Пры выкананні вучэбна-трэніровачнага палёту экіпаж выявіў тэхнічную няспраўнасць. Праявіўшы мужнасць і гераізм, пілоты цаной свайго жыцця адвялі самалёт ад жылых дамоў.
24 лістапада 2021 года лётчыкам Андрэю Нічыпорчыку і Мікіту Куканенку пасмяротна было прысвоена званне «Герой Беларусі».
Пахаваны Мікіта Куканенка ў г. Полацку.
20 мая 2022 года ў Баранавічах з нагоды першай гадавіны з дня трагедыі быў адкрыты мемарыял у гонар загінуўшых лётчыкаў-герояў. У Лідзе на доме, дзе жыў Мікіта Куканенка, адкрыта мемарыяльная дошка. Яго імя прысвоена сярэдняй школе № 6 г. Ліды. На фасадзе школы ўсталявана мемарыяльная дошка. Піянерскай дружыне ДУА «Сярэдняя школа № 13 г. Баранавічы» прысвоена імя лётчыкаў-герояў. У дзіцячым адукацыйна-аздараўленчым лагеры «Зубраня» адкрылі мемарыяльны куток у памяць пра Героя Беларусі.
У музеі Полацкага кадэцкага вучылішча адна з экспазіцый прысвечана лётчыку.
17 мая 2024 года ў Баранавічах адкрыта мемарыяльная дошка ў гонар лётчыкаў-герояў Андрэя Нічыпорчыка і Мікіты Куканенкі. Размешчана яна на доме, які знаходзіцца на скрыжаванні вуліц, названых іх імёнамі.
ЛІТАРАТУРА
1. Алексеевич, С. В. «...Превратились в белых журавлей» / С. Алексеевич // Армия. – 2022. – № 3. – С. 14–15.
2. Арсеньева, С. Поколение сильных / С. Арсеньева // Народная газета. – 2023. – 25 жн. – С. 6. – (Прил.: «Союзное вече. Спецвыпуск. Военное сотрудничество в Союзном государстве»).
3. Бондарава, Т. Пад зоркай героя / Т. Бондарава // Настаўніцкая газета. – 2024. – 24 мая. – С. 8.
4. Бегунова, Е. Там, где растят героев / Е. Бегунова // СБ. Беларусь сегодня. – 2023. – 28 июля. – С. 10.
5. Герои. Это про них // СБ. Беларусь сегодня. – 2024. – 24 февр. – С. 10–11.
6. Дадалка, М. «Наша справа – зрабіць усё, каб народ і дзяржава памяталі іх» / М. Дадалка // Звязда. – 2021. – 18 снеж. – С. 1–2.
7. Дроздова, Н. Я. Он ушел в небо солнечным человеком / Н. Дроздова // Віцьбічы = Витьбичи. – 2021. – 22 мая. – С. 3.
8. Жарский, Б. Ничипорчик Андрей Владимирович. Куконенко Никита Борисович / Б. Жарский ; беседовал Н. Мачекин // Герои Беларуси / Н. Мачекин. – Мн.: Беларусь, 2022. – С. 56–63.
9. Канюта, В. Яны сталі Небам... і – Героямі / В. Канюта // Звязда. – 2021. – 25 лістап. – С. 1–2. 10. Конохова, Н. «Прыгать? Нет! Город под нами!» / Н. Конохова // Витебские вести. – 2024. – 21 мая. – С. 4.
11. Крят, Д. Они совершили подвиги, чтобы жизнь продолжалась / Д. Крят, П. Конога // Сельская газета. – 2021. – 18 дек. – С. 2–3.
12. Крят, Д. Твои Герои, Беларусь! / Д. Крят, П. Конога // Рэспубліка. – 2021. – 18 снеж. – С. 1–3. 13. Никита – мамино Солнце / подгот. Н. Конохова // Витебские вести. – 2022. – 20 мая. – С. 19. 14. Подвиг ценою в жизнь // Полацкі веснік. – 2021. – 26 лістап. – С. 2.
15. Увековечить подвиг // Витебские вести. – 2023. – 21 июля. – С. 21.
16. Чаровская, К. Настоящие офицеры и патриоты / К. Чаровская // Сельская газета. – 2021. – 27 нояб. – С. 7.
СПАСЫЛКІ
Андрей Ничипорчик и Никита Куконенко
Будущий герой мечтал быть летчиком. Памятник Никите Куконенко открыли в Полоцке
В Барановичах открыли мемориал в память о погибших летчиках
Город под нами. Фильм о летчиках-Героях Беларуси
Мемориальную доску в память о летчике Никите Куконенко открыли в Полоцке
