Марозаў Аляксандр Кліменцьевіч нарадзіўся 29 снежня 1905 года ў в. Якубова Расонскага раёна ў шматдзетнай сялянскай сям'і.

Адукацыя пачатковая. З сямі гадоў батрачыў.

З 1920 года працаваў на лесараспрацоўках, з 1927 года – на Віцебскім цагельным заводзе.

З 1939 года – у Чырвонай Арміі.

Удзельнік вызваленчага паходу савецкіх войск у Заходнюю Беларусь (1939).

У 1939–1940 гг. – удзельнік савецка-фінляндскай вайны.

З чэрвеня 1941 года – на фронце ў гады Вялікай Айчыннай вайны.

Падчас Смаленскай бітвы (з 10 ліпеня па 10 верасня 1941 года) трапіў у палон. Праз 27 дзён збег з палону да партызан.

Баец партызанскага атрада № 2 (11-я брыгада штаба партызанскага руху Калінінскай вобласці) А. Марозаў падарваў тры варожыя эшалоны.

З 1943 года – наводчык станковага кулямёта 280-й стралковай дывізіі (2-і Беларускі фронт). З мая 1944 года – разведчык, агнямётчык (2-і Прыбалтыйскі фронт).

Удзельнік вызвалення Прыбалтыкі і баёў ва Усходняй Прусіі.

У ліпені 1944 года падбіў варожы танк.

У жніўні 1944 года ўзнагароджаны ордэнам Славы III ступені.

10 кастрычніка 1944 года стралок 760-га стралковага палка (208-я стралковая дывізія, 43-я армія, 1-ы Прыбалтыйскі фронт) А. Марозаў у раёне літоўскіх населеных пунктаў адным з першых уступіў у бой. Пры пераходзе непрыяцеля ў контратаку закідаў гранатамі варожых аўтаматчыкаў. Быў паранены.

8 красавіка 1945 года ў баях за г. Кёнігсберг (зараз – г. Калінінград) быў цяжка паранены, знішчыў 2 кулямётныя разлікі.

У кастрычніку 1944 года быў узнагароджаны (паўторна) ордэнам Славы III ступені, у красавіку 1945 года (трэцці раз) – ордэнам Славы III ступені.

У 1945 годзе – дэмабілізаваны. Жыў і працаваў у Віцебску.

Указам Прэзідыума Вярхоўнага Савета СССР ад 19 жніўня 1955 года за ўзорнае выкананне заданняў камандавання ў баях з нямецка-фашысцкімі захопнікамі пераўзнагароджаны ордэнам Славы II ступені і ордэнам Славы I ступені, стаўшы поўным кавалерам ордэна Славы.

Узнагароджаны ордэнам Айчыннай вайны I ступені.

Працаваў на Віцебскім камбінаце будаўнічых матэрыялаў.

Памёр 9 верасня 1984 года.

ЛІТАРАТУРА

1. Буевич, Т. Они вынесли на себе все тяготы тех лет / Т. Буевич // Віцьбічы = Витьбичи. – 2014. – 2 июля. – С. 4.

2. Марозаў Аляксандр Кліменцьевіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2000. – Т. 10 : Малайзія–Мугаджары. – С. 124.

3. Морозов Александр Климентьевич // Кавалеры ордена Славы: белорусы, уроженцы Беларуси и граждане Республики Беларусь : биографический справочник / Б. Д. Долготович. – Минск : БелЭн, 2006. – С. 40.

4. Морозов Александр Климентьевич // Навечно в сердце народном: к 30-летию Победы над фашистской Германией / редкол.: П. У. Бровка [и др.]. – Минск : БелСЭ, 1975. – С. 290.

5. Морозов Александр Климентьевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 144.

6. Морозов Александр Климентьевич // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 222.

7. Морозов Александр Климентьевич // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 183.

8. Морозов Александр Климентьевич // Твои сыновья, Беларусь! Кавалеры ордена Славы : биографический справочник / Б. Д. Долготович. – Минск : БелЭн імя П. Броўкі, 2014. – С. 48.