Анішчык (Гутар) Ганна Анфімаўна нарадзілася 28 верасня 1959 года ў в. Кулакова Пастаўскага раёна.

У 1974 годзе скончыла Юнькаўскую васьмігадовую школу, Мінскае мастацкае вучылішча імя Глебава (1979). Па размеркаванні працавала ў Гродне настаўніцай выяўленчага мастацтва і чарчэння ў сярэдняй школе № 11. 3 1986 года ўзначаліла студыю выяўленчага мастацтва абласнога Палаца піянераў і школьнікаў. За ўдзел у міжнародным фестывалі дзіцячай творчасці ў г. Торунь (Польшча) і г. Лімож (Францыя) Ганна Анфімаўна была ўзнагароджана дыпломам 1-й ступені Міністэрства асветы БССР.

У Гродне ў 1989 годзе адбылася першая выстаўка Ганны Гутар як мастака-жывапісца. Найбольш плённа мастачка працуе ў жанры лірычнага пейзажу. Пасля вучобы на мастацка-графічным факультэце Віцебскага педінстытута (1986–1991) Г. А. Гутар жыве і працуе ў Мінску. Перыядычна работы мастачкі выстаўляюцца ў галерэях «Мастацтва» Беларускага саюза мастакоў і «Медэя». 3 1998 года яна з'яўляецца членам Асацыяцыі свабоднага мастацтва. Карціны мастачкі знаходзяцца ў прыватных калекцыях у Польшчы, Германіі, Амерыцы, Кітаі.

ЛІТАРАТУРА

1. Анішчык (Гутар) Ганна Анфімаўна // Памяць: Браслаўскі раён : гісторыка-дакументальныя хронікі гарадоў і раёнаў Беларусі / рэдкал.: К. В. Велічковіч [і інш.] ; уклад. К. С. Шыдлоўскі ; мастак Э. Э. Жакевіч. – Мінск : Паліграфафармленне, 1998. – С. 512.