Аскназій Ісак Лейбавіч (Львовіч) нарадзіўся 16 студзеня 1856 года ў г. Дрыса. Жывапісец.

Акадэмік жывапісу (1885). Вучыўся ў Пецярбургскай акадэміі мастацтваў (1874–1879). За дыпломную работу «Распутніца перад Хрыстом» (1879) атрымаў вялікі залаты медаль. Працаваў у Італіі, Германіі, Польшчы (1880–1884). Вярнуўшыся, жыў у Віцебску. Пісаў карціны на міфалагічныя сюжэты («Майсей у пустыні» і інш.), а таксама жанравыя сцэны з жыцця гарадоў і мястэчак Беларусі («Прыход суботы» (1890), «Па пазыку» (1892) і інш.). Удзельнічаў у выстаўках Пецярбургскага аб'яднання мастакоў у 1887 годзе. Падтрымліваў цесныя сувязі з І. Рэпіным.

Памёр у 1902 годзе, па іншых звестках у 1903.

ЛІТАРАТУРА

1. Аскназій Ісак Львовіч (Лейбавіч) // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 23.

2. Аскназій Ісак Львовіч (Лейбавіч) // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 14–15.

3. Ермоленко, В. Академик живописи из Дриссы / В. Ермоленко // Дзвінская праўда (Верхнядзвінск). – 2006. – 22 жн. – С. 4.

4. Ермоленко, Г. Художник Аскназий из Дриссы / Г. Ермоленко // Мастацкая адукацыя і культура. – 2008. – № 1. – С. 51.

5. Ісаак Аскназій // Мастацкая культура Віцебскага Паазер'я: ад старажытнасці да пачатку XX стагоддзя / А. У. Русецкі, Ю. А. Русецкі. – Мінск : БелЭн, 2005. – С. 291–294.