Багдановіч Міхась Аляксандравіч нарадзіўся 8 лютага 1951 года ў г. п. Бешанковічы, мастак. Закончыў мастацка-графічны факультэт Віцебскага педагагічнага інстытута. Студэнтам удзельнічаў у мастацкім афармленні экспазіцыі Ушацкага музея народнай славы імя У. Е. Лабанка.

З 1974 г. настаўнік Ленінскай васьмігадовай і Ушацкай сярэдняй школ, загадчык мастацкай майстэрні аддзела культуры райвыканкама і дырэктар Ушацкага Дома рамёстваў.

Удзельнік выставак мастакоў раёна, персанальных выставак ва Ушацкім музеі народнай славы, Гарадоцкім краязнаўчым музеі, Полацкім цэнтры нацыянальных культур.

Працуе ў тэхніцы графікі і жывапісу.

Значныя творы: «Сланечнікі» (акварэль, 1975), «Зімовая шэрань» (акварэль, 1997), «Званочкі» (акварэль, 1998), «Нацюрморт з сінім жбанам» (алей, 1999). Жыве і працуе ва Ушачах.

ЛІТАРАТУРА

1. Багдановіч Міхась Аляксандравіч // Памяць: Ушацкі раён : гісторыка-дакументальныя хронікі гарадоў і раёнаў Беларусі / рэдкал.: Г. К. Кісялёў (гал. рэд.) [і інш.] ; уклад. М. М. Кірпіч ; мастак Э. Э Жакевіч. – Мінск : Белта, 2003. – С. 544–545.

2. Варатынская, Г. На палатне – святло душы / Г. Варатынская // Зара (Бешанковічы). – 1997. – 3 чэрв.– С. 3.

3. Варатынская, Г. Сцяжынамі захаплення / Г. Варатынская // Патрыёт (Ушачы). – 2001. – 14 лют. – С. 3.

4. Караленка, В. Самы шчаслівы чалавек / В. Караленка // Патрыёт (Ушачы). – 2016. – 6 лют. – С. 1, 5.