Баразна Лявон Цімафеевіч – беларускі савецкі мастак.

Нарадзіўся 4 лютага 1929 года ў в. Новае Сяло Талачынскага раёна.

У гады Вялікай Айчыннай вайны стаў партызанскім сувязным. Маляваў для партызан карты і планы.

У 1947–1955 гг. Лявон Баразна вучыўся ў Мінскім мастацкім вучылішчы. Працаваў мастаком у Белпрамсавеце. Зведаў зняволенне ў Талачынскай турме «Пушніна».

У рэспубліканскіх мастацкіх выставах удзельнічаў з 1957 года.

У 1963–1972 гг. ствараў касцюмы і «апранаў» больш за 15 самадзейных калектываў рэспублікі.

У 1966–1969 гг. працаваў галоўным мастаком Мастацкага фонду рэспублікі.

З 1967 года – член Беларускага Саюза мастакоў.

У 1968 годзе скончыў аддзяленне прыкладнога мастацтва Беларускага дзяржаўнага тэатральна-мастацкага інстытута.

За актыўную працу і поспехі ў развіцці мастацкай самадзейнасці рэспублікі быў узнагароджаны Граматай Вярхоўнага Савета БССР (1963), Ганаровымі граматамі Міністэрства культуры БССР і БРК прафсаюза працаўнікоў культуры і дыпломамі.

Памёр 15 жніўня 1972 года.

Мастацкія творы:

– пейзажы: «Стары Мінск» (1947), «Ваколіца. Шэры дзень» (1955), «Вясна» (1957), «Май» (1957), «Надвячорак» (1957), «На Сажы» (1957), «Цішыня» (1971);

– алейныя партрэты: «Партрэт маці» (1955), «Аўтапартрэт» (1956), «Натуршчыца» (1971), «Партрэт старой кабеты» (1972), «Вясковая дзяўчына» (1972), «Жаночы партрэт», «Мастачка», «Народны спявак Моніч»;

– этнаграфічныя замалёўкі: «Дзяўчына з-пад Клецка», «Маладая ў вясельным уборы», «Гаспадар», «Бабуля ў каптуры» (усе 1957), «Сялянка ў чырвонай кофце» (1958).

Падрыхтаваў да друку тры альбомы малюнкаў: «Беларускі народны арнамент Палесся» (1957), «Беларуская народная вопратка» (1958), «Арнамент Гродзеншчыны» (1960), манаграфію «Гравюры Францыска Скарыны» (1-е выд. – 1972, 2-е выд. – 1990).

Працаваў у тэхніцы станковага жывапісу, пастэлі, акварэлі і дэкаратыўна-прыкладным мастацтве.

ЛІТАРАТУРА

1. Баразна Лявон Цімафеевіч // Беларускі Саюз Мастакоў = Belarussian Union of Artists : энцыклапедычны даведнік / аўт.-склад.: Б. А. Крэпак [і інш.]. – Мінск : Кавалер Паблішэрс, 1998. – С. 51.

2. Бірукоў, В. Прыцягальнасць душы Лявона Баразны / В. Бірукоў // Наша Талачыншчына. – 2002. – 21 жн. – С.1

3. Борозна Леон Тимофеевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 89–90.

4. Борозна Леонид Тимофеевич // Художники Советской Белоруссии / редкол.: В. И. Версоцкий [и др.]. – Минск : Беларусь, 1976. – С. 50.

5. Выстаўка твораў мастака Л. Ц. Баразны (1928–1972) : каталог. – Мінск : Беларусь, 1975. – 24 с.

6. Мірачыцкі, Л. А праўда – у казках жыцця / Л. Мірачыцкі // Культура. – 1996. – 24–30 студз. – С. 7.

7. Налівайка, Л. Спадчына Лявона Баразны / Л. Налівайка // Роднае слова. – 2010. – № 5. – С. 94.

8. Нашай малой радзіме ёсць кім ганарыцца / падрыхт. В. Бірукоў // Наша Талачыншчына. – 2019. – 13 крас. – С. 4.

9. Пазняк, З. Лявон Цімафеевіч Баразна / Зянон Пазняк // Памяць: гісторыка-дакументальная хроніка Талачынскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1988. – С. 638–639.

10. Рыжкова, Н. Бяссмерце мастацтва – у нацыянальных традыцыях / Н. Рыжкова // Наша Талачыншчына. – 2008. – 10 снеж. – С. 2.

11. Хаўратовіч, І. П. Баразна Лявон Цімафеевіч / І. П. Хаўратовіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1996. – Т. 2 : Аршыца–Беларусцы. – С. 290–291.

12. Хаўратовіч, І. П. Баразна Лявон Цімафеевіч / І. П. Хаўратовіч // Культура Беларусі : энцыклапедыя : [у 6 т.] / рэдкал.: Т. У. Бялова [і інш.]. – Мінск : БелЭн імя П. Броўкі, 2010. – Т. 1 : А–Б. – С. 437.

13. Хаўратовіч, Я. Вучні аднаго часу / Я. Хаўратовіч // Літаратура і мастацтва. – 2010. – 30 крас. – С. 13.

14. Художник трагической судьбы // Моя Толочинщина: страницы истории / А. Шнейдер. – 2-е изд, с изм. – Минск : Бизнесофсет, 2006. – С. 148–149.

15. Шнэйдар, А. Вястун Адраджэння / А. Шнэйдар // Народнае слова. – 1992. – 31 кастр. – С. 5.

16. Шунейко, Е. Ф. Борозна Леон Тимофеевич / Е. Ф. Шунейко // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 474–475.