Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Ісаёнак Марыя Іванаўна

Дата нараджэння
25.10.1949
Месца нараджэння
Віцебская вобласць, Гарадоцкі раён, в. Кісялі
Род дзейнасці
мастачка
Жанр
станковы жывапіс

Ісаёнак Марыя Іванаўна нарадзілася 25 кастрычніка 1949 года ў в. Кісялі Гарадоцкага раёна. Беларуская мастачка.

У 1964–1965 гг. вучылася ў мастацкай студыі пры Доме піянераў у Віцебску. У 1969 годзе скончыла Мінскае мастацкае вучылішча (зараз Мінскі дзяржаўны мастацкі каледж імя А. К. Глебава). У 1974–1976 гг. працавала мастаком-дэкаратарам на кінастудыі «Беларусьфільм».

З 1985 года – член Беларускага саюза мастакоў. Працуе ў жанры станковага жывапісу. З 1975 года ўдзельнічае ў выставах.

Творчасць Марыі Іванаўны Ісаёнак – адна з прыкметных з'яў у сучасным беларускім мастацтве. Мастачка тонка ўспрымае стан прыроды, імкнецца да выяўлення гармоніі чалавека з навакольным асяроддзем і па-майстэрску перадае ўласныя ўражанні ў стрыманай каляровай гаме.

Сярод твораў: «Восеньскія грыбы» (1977), «У новай майстэрні» (1983), «Нацюрморт са шклом» (1989), «Жанчына з бульбай» (1991), «Пахаванне бацькі» (1993), «Змрок», «Светлы ўспамін», «Залаты век», «Нацюрморт з чорным вінаградам», «Нацюрморт з птушкай», «Нацюрморт з жоўтымі кветкамі», «Зялёны інтэр'ер», «Машына "Зінгер"» і інш.

Карціны Марыі Іванаўны на працягу 2002–2004 гг. дэманстраваліся на выставах у розных гарадах Італіі, дзе яе назвалі «каралевай нацюрморта». Выстаўкі мастачкі арганізоўваліся таксама ў Літве (Вільнюс, 2003), у Мінску – у Музеі сучаснага мастацтва і Нацыянальным мастацкім музеі Беларусі, а таксама ў іншых гарадах.

Творы знаходзяцца ў Нацыянальным мастацкім музеі Рэспублікі Беларусь, фондах Міжнароднай канфедэрацыі Саюза мастакоў (Масква), Беларускага саюза мастакоў, у Віцебскім абласным краязнаўчым музеі, Нацыянальным цэнтры сучасных мастацтваў Рэспублікі Беларусь, Дзяржаўным мастацкім музеі г. Чунціна (КНР), у прыватных калекцыях Беларусі, Расіі, Англіі, Германіі, Ізраіля, Італіі, Літвы, Нідэрландаў, Польшчы, ЗША, Кітая.

Жыве ў Мінску.

 

ЛІТАРАТУРА

1. Ісаёнак Марыя Іванаўна // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 720.

2. Кот, С. Яго вялікасць Нацюрморт / С. Кот // Витебский проспект. – 2009. – 29 окт. – С. 3.

3. Краўцоў, М. Калейдаскоп нацюрмортаў / М. Краўцоў // Гарадоцкi веснік. – 2005. – 5 сак. – С. 1.

4. Малашэня, Л. Квітнеючыя сусветы мастачкі / Л. Малашэня // Витебские вести. – 2016. – 12 нояб. – С. 7.

5. Фатыхава, Г. А. Ісаёнак Марыя Іванаўна / Г. А. Фатыхава // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 7 : Застаўка–Кантата. – С. 327.

 

СПАСЫЛКІ

arrow Галерея «Артхаос» – Исаёнок Мария Ивановна

arrow Артель: галерея-кафе – Исаёнок Мария Ивановна