Ладзісаў Алег Іванавіч
Ладзісаў Алег Іванавіч нарадзіўся 24 лістапада 1953 года ў г. п. Обаль Шумілінскага раёна.
Скончыў Мінскі педагагічны інстытут замежных моў (1976), факультэт гісторыі і тэорыі мастацтва Беларускага тэатральна-мастацкага інстытута (1986).
У 1983–2003 гг. жыў у г. Полацку. Працаваў загадчыкам сектара выяўленчага і дэкаратыўна-прыкладнога мастацтва Полацкага гісторыка-культурнага музея-запаведніка, выкладчыкам жывапісу, кампазіцыі, гісторыі мастацтва ў Полацкай дзіцячай мастацкай школе.
З 1986 года ўдзельнічае ў мастацкіх выстаўках. З 1989 года з'яўляецца членам Беларускага Саюза мастакоў.
Працуе ў станковым жывапісе, графіцы і перформансе.
Асноўныя творы: палотны «Белыя лілеі», «Тая, што збірае каласы», «Чырвонае на зялёным», «Танец», «Інфанта», «П'еро і Арлекін», «Малітва»; графічныя лісты: «Праз вякі», «Лава Бекета», «Пасадзі кветку ў Эдэме!», «Белы крыж», «Абгарні кнігу!»; перформансы «Short Мап», «Белы Зікурат», «Winners Blues».
Творы мастака знаходзяцца ў фондах Полацкага гісторыка-культурнага музея-запаведніка, у галерэях «Маскоўская палітра» (г. Масква), «Падляска» (г. Бяла-Падляска, Польшча), прыватных калекцыях Беларусі, Расіі, Польшчы, Германіі, Ізраіля.
Жыве ў г. Мінску. Працуе ў Нацыянальным гістарычным музеі Рэспублікі Беларусь.
ЛІТАРАТУРА
1. Гальпяровіч, Н. У пошуках асабістай прасторы / Н. Гальпяровіч // Літаратура і мастацтва. – 2019. – 31 мая. – С. 4.
2. Ладзісаў Алег Іванавіч // Беларускі Саюз Мастакоў = Belarussian Union of Artists : энцыклапедычны даведнік / аўт.-склад.: Б. А. Крэпак [і інш.]. – Мінск : Кавалер Паблішэрс, 1998. – С. 310.
3. Лысенко, Л. М. Художники Полоцка (А. Коновалов, О. Ладисов) / Л. М. Лысенко // Тэзісы дакладаў навуковых супрацоўнікаў запаведніка па выніках працы : (навукова-практычныя канферэнцыі 1989, 1990 гадоў) / Полацкі гісторыка-культурны запаведнік. – Полоцк, 1991. – С. 19–21.
СПАСЫЛКІ
