ЛУК’ЯНАЎ ВІКТАР МІХАЙЛАВІЧ нарадзіўся 27 лютага 1940 года ў в. Власава Віцебскай вобласці, беларускі мастак.

Скончыў Віцебскае мастацка-графічнае педагагічнае вучылішча (1956), мастацка-графічны факультэт Віцебскага дзяржаўнага педагагічнага інстытута ім. С. М. Кірава (1967).

Удзельнік мастацкіх выстаў з 1964 г. У 1973 г. стаў членам Беларускага Саюза мастакоў. Працуе ў тэхніцы акварэлі і манументальна-дэкаратыўнага жывапісу. Станковым творам уласцівыя лірычная і сімвалічна-рамантычная вобразнасць, кампазіцыйная цэласнасць, дакладная прапрацоўка формы, выразнасць тонаў кантрастаў, насычаныя колеры.

Аўтар шэрагу прац у інтэр'ерах грамадскіх будынкаў Наваполацка – роспісы ў кінатэатры «Мінск» і прафілакторыі завода БВК, вітражоў у паліклініцы № 1 і рэстаране «Белы востраў», чаканкі на дзіцячай музычнай школе і многіх іншых.

Творы мастака знаходзяцца ў Нацыянальным мастацкім музеі Беларусі, Віцебскім краязнаўчым музеі, Полацкім гісторыка-культурным музеі-запаведніку. Многія карціны набыты мастацкімі музеямі і карціннымі галерэямі Расіі і Польшчы. Яго працы ўпрыгожваюць беларускую ўрадавую рэзідэнцыю, знаходзяцца ў прыватных калекцыях у Японіі, ЗША, Італіі, Швецыі, Турцыі, Ізраілі, Германіі, Расіі.

У 1998 г. прысвоена званне «Ганаровы грамадзянін горада Наваполацка».

ЛІТАРАТУРА

1. Віктар Лук'янаў // Мастакі Наваполацка : 50-годдзю горада прысвячаецца / Беларускі саюз мастакоў, Музей гісторыі і культуры г. Наваполацка ; склад.: Д. П. Бароўская, В. П. Шушко. – Полацк : Выдавец А. І. Суднік, 2008. – С. 4–5.

2. Егоренко, О. Д. Мир акварели / О. Д. Егоренко // Полацкі веснік. – 2016. – 15 сак. – С. 5.

3. Лукьянов, В. М. Краски художника Лукьянова / В. М. Лукьянов ; беседовала Л. Невдах // Химик (Новополоцк). – 2005. – 25 февр. – С. 7.

4. Лукьянов Виктор Михайлович // Почетные граждане белорусских городов : биографический справочник / Б. Д. Долготович. – Минск : Беларусь, 2008. – С. 90.

5. Лукьянов Виктор Михайлович // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 26.

6. Сыс, Е. Белый город Виктора Лукьянова / Е. Сыс // Витебские вести. – 2016. – 13 февр. – С. 9.

7. Цыбульский, М. Л. Лукьянов Виктор Михайлович / М. Л. Цыбульский // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 87–88.

8. Шашко, В. Семдзесят ступеняў сталасці / В. Шашко // Новая газета (Наваполацк). – 2010. – 27 лют. – С. 1.

9. Шушко, В. Запаведны «востраў» / В. Шушко // Культура. – 2015. – 11 крас. – С. 8.