Лябёдка Валерый Канстанцінавіч
Лябёдка Валерый Канстанцінавіч нарадзіўся 26 ліпеня 1951 года ў г. п. Езярышча Гарадоцкага раёна. Беларускі мастак.
У 1975 годзе скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава. Вучыўся ў Ф. Гумена, І. Сталярова. У 1977–1991 гг. – выкладчык Віцебскага педагагічнага інстытута імя С. М. Кірава. У 1991–2016 гг. В. К. Лябёдка працаваў у Маскоўскім педагагічным дзяржаўным універсітэце. Доктар педагагічных навук, прафесар.
З 1993 года – член Беларускага саюза мастакоў. Прымаў удзел у мастацкіх выставах г. Віцебска, Масквы, Смаленска і інш.
Працаваў у тэхніцы станковага жывапісу, графікі.
Сярод твораў: «Восеньскія разлівы. Рыбацкае Езярышча», «Мае ўспаміны», «Возера. Начны матыў», «Таямніца вострава Гарадзішча», «Партрэт бацькі», «Аўтапартрэт з люстэркам», «Галінка першага бэзу», «Самотны хутар», «Сонечны нацюрморт» і інш.
Памёр Валерый Канстанцінавіч 10 сакавіка 2016 года.
ЛІТАРАТУРА
1. Алимова, Е. 60 лет. 60 картин / Е. Алимова // Витебский проспект. – 2011. – 4 авг. – С. 23.
2. Валерый Лябёдка // Саюз творцаў [Выяўленчы матэрыял] = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фота: В. Балоціна, М. Цыбульскага. – Мінск : Беларусь, 2005. – С. 79.
3. Лябедзька Валерый Канстанцінавіч // Беларускі саюз мастакоў: 1938–1998 : энцыклапедычны даведнік / аўтар-складальнік Б. А. Крэпак [і інш.]. – Мінск : ВТАА «Кавалер Паблішэрс», 1998. – С. 337.
4. Лябёдка Валерый Канстанцінавіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 713.
5. Лябёдка Валерый Канстанцінавіч // Сучасныя мастакі Віцебшчыны : біябібліяграфічны слоўнік / ДУ «Віцебская абласная бібліятэка імя У. І. Леніна», Аддзел літаратуры па мастацтве ; склад. В. І. Аліева. – Віцебск, 1994. – С. 63.
6. Симанович, Д. Душевная теплота светлого человека / Д. Симанович // Віцьбічы = Витьбичи. – 2011. – 4 авг. – С. VII. – (Прил.: Вечерний Витебск).
7. У Мінскай галерэі «Верхні горад» // Літаратура і мастацтва. – 1995. – 5 мая. – С. 14.
СПАСЫЛКІ
